വധശിക്ഷ നടപ്പാക്കിയാല്‍ കുട്ടികളെ ഇനിയും കൊല്ലുമെന്ന് പാകിസ്ഥാന് താലിബാന്റെ ഭീഷണി.
പെഷാവറില്‍ സൈനിക സ്‌കൂളില്‍ കൂട്ടക്കൊല നടത്തിയതിനു പിന്നാലെയാണ് പാക്കിസ്ഥാന് വീണ്ടും തെഹ്‌രീകെ ഇ താലിബാന്‍ ഭീകര സംഘടനയുടെ ഭീഷണി ഉണ്ടായിരിക്കുന്നത്. ഞങ്ങളുടെ സംഘത്തിലുള്ള ഒരാളെയെങ്കിലും ഇനി തൂക്കിലേറ്റിയേറ്റാല്‍ നിങ്ങളുടെ കുട്ടികളെ കൊന്നിട്ടായിരിക്കും ഞങ്ങള്‍ അതിനുള്ള പ്രതികാരം വീട്ടുക. സൈനിക മേധാവികളുടെയും രാഷ്ട്രീയ നേതാക്കളുടെയും കുടുംബങ്ങളില്‍ ദുഃഖാചരണം നടത്തേണ്ടി വരും. തെഹ്‌രീകെ ഇ താലിബാന്‍ ഭീകരാനായ മുല്ലാഹ് ഫസലുല്ല പാക്കിസ്ഥാന്‍ സര്‍ക്കാരിന് അയച്ച കത്തിലാണ് ഭീഷണി.
2008 ല്‍ നിര്‍ത്തലാക്കിയ വധശിക്ഷ പെഷാവറിലെ സ്‌കൂളില്‍ ഭീകരര്‍ നടത്തിയ ആക്രമണത്തെത്തുടര്‍ന്ന് പാക്കിസ്ഥാന്‍ പുനഃസ്ഥാപിച്ചിരുന്നു. ഇതേത്തുടര്‍ന്ന് പര്‍വേസ് മുഷറഫിന്റെ ഭരണകാലത്തു സൈനിക കേന്ദ്രം ആക്രമിച്ച 17 പേരില്‍ ഒരാളടക്കം രണ്ടു പേരെ ഇന്നലെ തൂക്കിലേറ്റി. വധശിക്ഷയ്ക്കു വിധിക്കപ്പെട്ട 8261 തടവുകാരാണു പാക്കിസ്ഥാനിലെ ജയിലുകളിലുള്ളത്. ഇതില്‍ 30% പേരും ഭീകരവിരുദ്ധ നിയമപ്രകാരം 2003നു ശേഷം ശിക്ഷിക്കപ്പെട്ടവരാണ്. 2004നു ശേഷം 235 പേരെ പാക്കിസ്ഥാനില്‍ വധശിക്ഷയ്ക്കു വിധേയമാക്കിയിട്ടുണ്ട്.
പ്രധാന മന്ത്രി നവാസ് ഷെരീഫിന്റെ കുടംബത്തിലെ കുട്ടികള്‍ ഉള്‍പ്പെടെ മറ്റു രാഷ്ട്രീയ നേതാക്കളുടെയും സൈനിക ഉദ്യോഗസ്ഥരുടെയും കുട്ടികളെ വധിക്കാന്‍ ഭീകരര്‍ ലക്ഷ്യം വച്ചിട്ടുണ്ടെന്നും കത്തില്‍ അറിയിച്ചിട്ടുണ്ട്. പാക്കിസ്ഥാനില്‍ വധശിക്ഷ വീണ്ടും നടപ്പിലാക്കി തുടങ്ങിയത് ഭീരരെ പ്രകോപിച്ചിട്ടുണ്ട്. ഇതിനു തൊട്ടു പിന്നാലെയാണ് ഭീഷണി മുഴക്കിക്കൊണ്ടുള്ള ഭീകരരുടെ കത്ത് ലഭിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha