ന്യൂസിലന്ഡില് വെടിവെയ്പ്പ് നടത്തിയ അക്രമി കമ്പ്യൂട്ടര് ഗെയിമുകള്ക്ക് അടിമ, അവന്റെ ക്രൂരത ടിവിയില് കണ്ട് സ്തബ്ധരായി കുടുംബം, ഭീകരന് കോടതി മുറിയില് കാണിച്ച ചിഹ്നത്തിന്റെ അര്ത്ഥമിത്!
ന്യൂസിലന്ഡിലെ ക്രൈസ്റ്റ് ചര്ച്ചില് വംശീയവെറി മൂത്ത് അക്രമി നടത്തിയ വെടിവെയ്പ്പില് 50 പേര്ക്കാണ് ജീവന് നഷ്ടമായത്. പ്രാര്ത്ഥന നടക്കുന്നതിനിടെയാണ് രണ്ട് മുസ്ലീം പള്ളികളിലേയ്ക്ക് അതിക്രമിച്ചെത്തിയ അക്രമി വെടിവെയ്പ്പ് നടത്തിയത്. ഓസ്ട്രേലിയന് വംശജനായ ബ്രന്റണ് ടാറന്റ് ആണ് ക്രൂരതയുടെ ലൈവ് സ്ട്രീമിങ്ങ് നടത്തി അക്രമണം അഴിച്ചുവിട്ടത്.
ബ്രന്റന്റെ അതിക്രൂരത ടെലിവിഷനിലൂടെയാണ് കുടുംബം അറിയുന്നത്. തങ്ങള് എല്ലാവരും സ്തബ്ധരായി, എന്താണ് ചിന്തിക്കേണ്ടതെന്ന് പോലും അറിയാത്ത അവസ്ഥയിലായെന്ന് ബ്രന്റണിന്റെ മുത്തശ്ശി മാരി ഫിറ്റ്സ്ജെറാള്ഡ് വിദേശ മാധ്യമത്തോട് തുറന്നു പറഞ്ഞു. തങ്ങളുടെ കുടുംബത്തില് നിന്ന് ഇത്തരത്തില് ഒരാള് ചെയ്തത് ചിന്തിക്കാനാകുന്നില്ല.
ഗ്രാഫ്റ്റണ് എന്ന ചെറിയ ഗ്രാമത്തിലാണ് ടാറന്റ് വളര്ന്നത്. അവന്റെ വളര്ച്ചയുടെ ഒരു ഘട്ടത്തിലും ഇത്തരത്തിലുള്ള മാറ്റത്തിന്റെ സൂചനകള് കണ്ടിരുന്നില്ല. ഓസ്ട്രേലിയയില് നിന്ന് യൂറോപ്പിലേയ്ക്കുള്ള യാത്രകള് അവനെ പൂര്ണമായി മാറ്റിയിരിക്കാമെന്നും അവര് കണ്ണുനീരോടെ പറയുന്നു. ടാറന്റിന് എന്നും താത്പര്യം കമ്പ്യൂട്ടര് ഗെയിമുകളില് ആയിരുന്നുവെന്നും അവര് പറഞ്ഞു. അവന്റെ അച്ഛന് കുറച്ചു വര്ഷങ്ങള്ക്കു മുമ്പാണ് മരിക്കുന്നത്, അതോടെ അവന് യാത്രകള് തുടങ്ങുകയായിരുന്നു.
എന്നാല് ഒരു വര്ഷത്തിനു മുമ്പ് സഹോദരിയുടെ ജന്മദിനത്തില് വീട്ടിലേക്ക് തിരിച്ചെത്തിയിരുന്നു. എന്നാല് ആ വരവില് ഇത്തരമൊരു അക്രമമനോഭാവത്തിന്റെ ഒരു സൂചനകളും തങ്ങള്ക്ക് കിട്ടിയിരുന്നില്ല. ടാറന്റിന്റെ അമ്മയും സഹോദരിയും ഇപ്പോള് പോലീസിന്റെ സുരക്ഷിത വലയത്തിലാണ്. കുടുംബക്കാര്ക്ക് ഇരുവരെയും ബന്ധപ്പെടാന് പോലുമാകുന്നില്ല.
പോലീസ് അവരുടെ ഡ്യൂട്ടി ചെയ്യുന്നു. അവരുടെ സംരക്ഷണവും പോലീസിന്റെ കൈകളിലാണെന്ന് അവര് പറയുന്നു. വെടിവെയ്പ്പില് ഒരു മലയാളി ഉള്പ്പെടെ അഞ്ചു ഇന്ത്യക്കാരും കൊല്ലപ്പെട്ടിരുന്നു.
മൂന്നുപേരെ അറസ്റ്റ് ചെയ്തിട്ടുണ്ടെങ്കിലും ബ്രന്ഡന് ടറന്റോ എന്ന അക്രമി തനിച്ചാണ് ആക്രമണം നടത്തിയതെന്നാണ് പൊലീസ് നിഗമനം. ദീര്ഘകാലമായി ആസൂത്രണം ചെയ്ത് നടപ്പിലാക്കിയതായിരുന്നു ബ്രന്ഡന് ഭീകരാക്രമണം എന്നാണ് ന്യുസീലാന്റ് സുരക്ഷ വൃത്തങ്ങള് പറയുന്നത്. മുസ്ലീം പള്ളിയില് ആക്രമണം നടത്തുന്നതിന് മുമ്പ് ഇയാള് 87 പേജുള്ള ഒരു കുറിപ്പ് ഇന്റര്നെറ്റില് പ്രസിദ്ധീകരിച്ചിരുന്നു. കൂട്ടക്കൊലയ്ക്ക് മിനിട്ടുകള് മാത്രം മുമ്പ് ന്യൂസിലന്ഡ് പ്രധാനമന്ത്രി ജസിന്ഡ ആര്ഡേന്-ന് ഈ പ്രസ്താവന ഇ-മെയിലില് അയച്ചിരുന്നു.
കോടതിയില് ഹാജരാക്കിയപ്പോള് 'വൈറ്റ് മാന് പവര്' ആംഗ്യം കാണിക്കുന്ന ഭീകരന് ബ്രെന്ഡന് ടറന്റോ, മാധ്യമങ്ങളില് ചര്ച്ചയായി. വെളുത്തവര്ഗക്കാര് ഒരു പ്രത്യേക വംശമാണെന്നും അവര് ലോകത്ത് ഏത് വര്ഗത്തേക്കാളും ഉന്നതരാണ് എന്നും വിശ്വസിക്കുന്നവരില് പെട്ടവരാണ് ടറന്റോ. കടുത്ത മുസ്ലിം വിരുദ്ധതയും കറുത്തവര്ക്കും ഏഷ്യന് വംശജര്ക്കുമെതിരെ വെറുപ്പും സൂക്ഷിക്കുന്നവരാണിവര്. ഇവരുടെ അടയാളമായ ചിഹ്നമാണ് ടറന്റോ കോടതിമുറിയില് കാണിച്ചത്.
https://www.facebook.com/Malayalivartha