തങ്ങളുടെ അധീനതയിലുള്ള പ്രദേശങ്ങളില്‍ ശിക്ഷാവിധികള്‍ നടപ്പാക്കുന്നതിന്റെ ചിത്രങ്ങള്‍ ഐ.എസ് തീവ്രവാദികള്‍ പുറത്തുവിട്ടു. മോഷണക്കുറ്റമാരോപിച്ച് യുവാവിന്റെ കൈവെട്ടുന്നതിന്റെയും നീലച്ചിത്രംകണ്ടുവെന്നാരോപിച്ച് ഒരാള്‍ക്ക് ചാട്ടയടി നല്‍കുന്നതിന്റെയും ചിത്രങ്ങളാണ് തീവ്രവാദികള്‍ ഇന്റര്‍നെറ്റിലൂടെ പുറത്തുവിട്ടത്. ഇറാക്കിലെ അതിര്‍ത്തിനഗരമായ ഖു ഐമില്‍ നിന്ന് പകര്‍ത്തിയതായാണ് ഇവയെന്നാണ് കരുതുന്നത്.
കൊച്ചുകുട്ടികള്‍ ഉള്‍പ്പെടെയുള്ള ജനക്കൂട്ടത്തിന് മുന്നില്‍വച്ചായിരുന്നു ശിക്ഷ നടപ്പാക്കിയത്. കണ്ണുകള്‍ മൂടിക്കെട്ടിയശേഷമാണ് ജനക്കൂട്ടത്തിനുനടുവിലേക്ക് യുവാവിനെ കൊണ്ടുവന്നത്. അവിടെയുള്ള മേശയ്ക്കുസമീപത്തെ കസേരയില്‍ ഇയാളെ ഇരുത്തിയശേഷം വലതുകൈ മേശയ്ക്കുമുകളിലേക്ക് ബലമായി പിടിച്ചുവച്ചശേഷമാണ് വലിയ കത്തികൊണ്ട് കൈവെട്ടിയത്. വെട്ടേറ്റ് കൈപ്പത്തി തെറിച്ചുപോകുന്നതും ദൃശ്യത്തില്‍ കാണാം. ശിക്ഷയ്ക്ക് വിധേയനായ ആളെ ശുശ്രൂഷിക്കാന്‍ തയ്യാറായി നില്‍ക്കുന്ന മെഡിക്കല്‍ സംഘത്തിന്റെ ചിത്രവും ഇവര്‍ പുറത്തുവിട്ടിട്ടുണ്ട്.
നീലച്ചിത്രം കണ്ടതിന്റെ പേരില്‍ ശിക്ഷിക്കപ്പെട്ടതും യുവാവ് തന്നെയാണ്. പൊതുജനമധ്യത്തിലാണ് ഈ ശിക്ഷയും നടപ്പാക്കിയത്. നീലച്ചിത്രം കണ്ടതിനുള്ള ശിക്ഷ എന്നാണ് ചിത്രത്തിനൊപ്പം നല്‍കിയിരിക്കുന്ന അടിക്കുറിപ്പില്‍ പറയുന്നത്.
തങ്ങളുടെ നിയന്ത്രണത്തിലുള്ള പ്രദേശങ്ങളില്‍ തീവ്രവാദികള്‍ ഇത്തരം ശിക്ഷകള്‍ നടപ്പാക്കുന്നുണ്ട്. ഇതിന്റെ ചിത്രങ്ങളും അവര്‍ പുറത്തുവിടാറുണ്ട്. ശിക്ഷാവിധികള്‍ നടപ്പാക്കുന്നത് കാണാന്‍ യുവാക്കളെയും കുട്ടികളെയും ഇവര്‍ പരമാവധി നിര്‍ബന്ധിക്കാറുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha