നേപ്പാളില് തുടരുന്ന പ്രളയക്കെടുതിയില് മരിച്ചവരുടെ എണ്ണം 90 ആയി...
നേപ്പാളില് ദിവസങ്ങളായി തുടരുന്ന പ്രളയക്കെടുതിയില് മരിച്ചവരുടെ എണ്ണം 90 ആയി. നേപാള് ആഭ്യന്തര മന്ത്രാലയമാണ് ഇക്കാര്യം അറിയിച്ചത്. 29പേരെ കാണാതായിട്ടുണ്ട്. പ്രളയത്തെ തുടര്ന്ന് നിരവധി മേഖലകളില് മണ്ണിടിച്ചിലുണ്ടായി. നേപ്പാളിന് പുറമെ ബിഹാര്, അസം അടക്കമുള്ള ഇന്ത്യന് സംസ്ഥാനങ്ങള്, പാകിസ്താന്, ബംഗ്ലാദേശ് എന്നീ മേഖലകളെ ആകെ വെള്ളപ്പൊക്കം ബാധിച്ചിട്ടുണ്ട്.
ദശലക്ഷക്കണക്കിന് ആളുകളാണ് മേഖലയിലാകെ പ്രളയക്കെടുതിയില് വലയുന്നത്. ഇതില് ഏറ്റവും കൂടുതല് ബാധിച്ചത് നേപ്പാളിനെയാണ്. നേപ്പാളിലെ വിവിധ മേഖലകളില് കുടുങ്ങിക്കിടന്ന ആയിരങ്ങളെയാണ് ദുരിതാശ്വാസ പ്രവര്ത്തകര് രക്ഷപ്പെടുത്തിയത്. കുടുങ്ങിക്കിടക്കുന്നവര്ക്ക് ഭക്ഷണവും വെള്ളവുമെത്തിക്കുന്നുണ്ട്.
https://www.facebook.com/Malayalivartha