സുഗന്ധം പരത്താൻ നോക്കിയതാ പണി പിന്നാലെ വന്നു; ചാനൽ അവതാരികയ്ക്ക് പറ്റിയ മണമുള്ള മണ്ടത്തരം
ലൈവ് പറയുന്നതിനിടയിൽ അവതാരകർക്കും ഒപ്പം ഉള്ളവർക്കും അമളികളും അബദ്ധങ്ങളും പറ്റുന്നത് സ്ഥിരമാണ്. അത്തരത്തിലുള്ള പല സന്ദർഭങ്ങളും സോഷ്യൽ മീഡിയയിലും യു ട്യൂബിലും കണ്ടിട്ടുണ്ട്. ലൈവ് പോകുന്നതിനിടയിൽ പെർഫ്യൂം അടിച്ചു പണി വാങ്ങിച്ചിരിക്കുകയാണ് മുന്‍ ഇംഗ്ലീഷ് ക്രിക്കറ്റ് താരവും അവതാരകയുമായ ഇഷ ഗുഹ. സ്കൈ സ്പോർട്സ് ചാനലിൽ ലൈവ് കമന്റ് പോകുന്നതിനിടയിലാണ് അവതാരകയായ ഇഷയ്ക്ക് പണി കിട്ടിയത്. കമന്ററി ബോക്‌സിലേക്ക് വരികയായിരുന്നു ഇഷ . അവിടെ അവതാരകരായ ചാള്‍ഡ് ഡംഗലും ചാര്‍ലെറ്റ് എഡ്വേര്‍ഡ്‌സും കമന്ററി പറയുന്നത് പുരോഗമിക്കുകയായിരുന്നു. ഇതിനിടെ അവരുടെ പിന്നിൽ നിന്ന ഇഷ അവിടെയുണ്ടായിരുന്ന പെര്‍ഫ്യൂം എടുത്ത് അടിച്ചു. പെട്ടന്നായിരുന്നു അത് ലൈവ് ആണെന്ന കാര്യം ഇഷ ഓർത്തത്. ഉടൻ തന്നെ ഇഷ അവിടെ നിന്നും മാറുകയും ചെയ്തു.
എന്നാൽ ഈ രസകരമായ വീഡിയോ പിന്നീട് സ്കൈ സ്‌പോര്‍ട്‌സ് തന്നെ ട്വീറ്റ് ചെയ്തു. ഇഷ്ക്ക് പറ്റിയ അമളിയെ അവതാരകരായ ചാള്‍സും ചാര്‍ലെറ്റും വിശകലനം ചെയ്യുതു കൊണ്ടുള്ള വീഡിയോയാണ് അവർ പുറത്തിറക്കിയത്. ഇവർ രണ്ടുപ്പേരും തങ്ങളുടെ സഹപ്രവർത്തകക്കു പറ്റിയ മണ്ടത്തരത്തെ വേണ്ടുവോളം ആഘോഷമാക്കി. ക്രിക്കറ്റ് മത്സരം വിശകലം ചെയ്യുന്ന രീതിയിലായിരുന്നു ഈ അമളിയെ അവർ അവതരിപ്പിച്ചിരുന്നത്. 'ഇന്ന് നന്നായി കാറ്റു ലഭിക്കുന്ന വസ്ത്രം ധരിച്ചത് എനിക്ക് മികച്ച അവസരം നല്‍കി, എല്ലാവര്‍ക്കും നന്ദി' വീഡിയോക്ക് ഇഷയുടെ മറുപടി ഇപ്രകാരം ആയിരുന്നു.
അവതാരകർ നേരിടുന്ന ഇത്തരം അമളികളെ അതേ രസത്തോടെ തന്നെ ആസ്വദിക്കുന്നവരാണ് എല്ലാ പ്രേക്ഷകരും. ഒരു ചാനൽ ചർച്ചയ്ക്കിടെ ആപ്പിളിനെ സംബന്ധിച്ചു നടന്ന ചർച്ചയിൽ അവതാരകക്കു പറ്റിയ അമളി എല്ലാവരെയും ചിരിപ്പിച്ചിരുന്നു. ആപ്പിളിൻറെ വരുമാനം പാകിസ്താന്റെ ബജറ്റിനെക്കാളും വലുതെന്നു പറഞ്ഞപ്പോൾ ആപ്പിളിനൊക്കെ വില കൂടുതലാണ് എന്ന് പറഞ്ഞ അവതാരികയെ ട്രോളൻമാർ വലിയൊരു ആയുധമാക്കി മാറ്റിയിരുന്നു.ആപ്പിൾ കമ്പനി നിര്‍മിച്ച് പുറത്തിറക്കുന്ന ഐഫോണ്‍ എന്നിവയുടെ വരുമാനത്തെക്കുറിച്ചാണ് പറയുന്നതു എന്ന് മനസിലാക്കാതെ വിപണിയിലെ ആപ്പിളിനെ പറ്റിയായിരുന്നു പാക് അവതാരിക പറഞ്ഞത്. ഇവർക്ക് മാത്രമല്ല മറ്റു പല അവതരക്കാർക്കും ഇത്തരത്തിൽ അമളികൾ സംഭവിച്ചത് സോഷ്യൽ മീഡിയ ഏറ്റെടുത്തിരുന്നു. ഇതിനൊക്കെ പിന്നാലെയാണ് മറ്റൊരു അവതാരികയുടെ അമളി കഥ കൂടി പുറത്തു വന്നിരിക്കുന്നത്.
https://www.facebook.com/Malayalivartha
