ഇന്ത്യയുടെ ചന്ദ്രയാനെ കണ്ടോ ? അമേരിക്കന് ബഹിരാകാശ യാത്രികനോട് ബ്രാഡ് പിറ്റിൻറെ ചോദ്യം ; മറുപടി ഇങ്ങനെ
ഇന്ത്യ വിക്ഷേപിച്ച ചന്ദ്രയാന് രണ്ടിലെ വിക്രം ലാന്ഡറിനെ കണ്ടോ എന്ന ചോദ്യം ഉയർത്തി നടനും നിര്മാതാവുമായ ബ്രാഡ് പിറ്റ്. അന്താരാഷ്ട്ര ബഹിരാകാശ നിലയത്തിലെ താമസക്കാരനായ അമേരിക്കന് ബഹിരാകാശ യാത്രികന് നിക്ക് ഹേഗിനോടാണ് ബ്രാഡ് പിറ്റ് ഈ ചോദ്യം ചോദിച്ചത്. ഫോണ് സംഭാഷണത്തിനിടെയായിരുന്നു വിക്രം ലാന്ഡറിനെ പറ്റി ചോദിച്ചത്. ബ്രാഡ് പിറ്റ് അഭിനയിക്കുന്ന അഡ് അസ്ട്ര എന്ന സിനിമയുടെ പ്രചാരണത്തിന്റെ ഭാഗമായാണ് അന്താരാഷ്ട്ര ബഹിരാകാശ നിലയത്തിലെ താമസക്കാരുമായി സംസാരിച്ചത്. ചിത്രത്തില് ബ്രാഡ് പിറ്റ് ബഹിരാകാശ യാത്രികന്റെ വേഷമാണ് അഭിനയിക്കുന്നത്.
ബഹിരാകാശത്ത് താഴ്ന്ന ഭ്രമണപഥത്തില് സഞ്ചരിക്കുന്ന മനുഷ്യനിര്മിത പേടകമാണ് അന്താരാഷ്ട്ര ബഹിരാകാശ നിലയം. ഇവിടുത്തെ ജീവിതത്തെ കുറിച്ചും ഭാരമില്ലായ്മയെക്കുറിച്ചുമൊക്കെ ബ്രാഡ് പിറ്റ് അന്വേഷിക്കുന്നുണ്ട്. അതിനിടെയായിരുന്നു നമ്മുടെ ചന്ദ്രയാനെ കണ്ടോ എന്ന് അദ്ദേഹം ചോദിച്ചത്. ഇല്ല എന്നായിരുന്നു അവിടുന്നുള്ള ഉത്തരം. നിക്ക് ഹേഗിനെ കൂടാതെ മറ്റ് രണ്ട് അമേരിക്കക്കാരും രണ്ട് റഷ്യക്കാരും ജപ്പാനില് നിന്നുള്ള ഒരാളും അന്താരാഷ്ട്ര ബഹിരാകാശ നിലയത്തിൽ ഉണ്ട് .
https://www.facebook.com/Malayalivartha