അഫ്ഗാനിസ്ഥാനിലെ ആശുപത്രിക്ക് സമീപത്തുണ്ടായ താലിബാന്റെ ചാവേര്‍ ആക്രമണത്തില്‍ ഡോക്ടര്‍മാരും രോഗികളും അടക്കം 20 പേര്‍ കൊല്ലപ്പെട്ടു. സ്‌ഫോടക വസ്തുക്കള്‍ നിറച്ച ട്രക്കാണ് പൊട്ടിത്തെറിച്ചത്. 95ഓളം പേര്‍ക്ക് പരിക്കേറ്റു. സബൂല്‍ പ്രവിശ്യയുടെ തലസ്ഥാനമായ ഖലാത്ത് നഗരത്തിലാണ് സംഭവം.
സ്‌ഫോടനത്തിന്റെ ആഘാതത്തില്‍ ആശുപത്രി കെട്ടിടം പൂര്‍ണമായി തകര്‍ന്നു.
സ്ത്രീകള്‍, കുട്ടികള്‍, രോഗികള്‍ അടക്കമുള്ളവര്‍ക്കാണ് ഗുരുതര പരിക്കേറ്റത്. ചെറിയ ട്രക്കില്‍ വലിയ അളവില്‍ സ്‌ഫോടക വസ്തുക്കള്‍ നിറച്ചാണ് ആക്രമണം നടത്തിയതെന്ന് പ്രതിരോധ മന്ത്രാലയം ഉദ്യോഗസ്ഥര്‍ വ്യക്തമാക്കി. സര്‍ക്കാറിന്റെ രഹസ്യാന്വേഷണ ഉദ്യോഗസ്ഥരെ ലക്ഷ്യമിട്ടാണ് ആക്രമണം നടത്തിയതെന്ന് താലിബാന്‍ പ്രതികരിച്ചു.