കൊറോണ വൈറസ് വ്യാപനം ലോകത്തെ വന് സാമ്പത്തിക പ്രതിസന്ധിയിലേക്ക് നയിക്കുമെന്ന് അന്താരാഷ്ട്ര നാണ്യനിധി മേധാവി ക്രിസ്റ്റലിന ജോര്ജീവ
കൊറോണ വൈറസ് വ്യാപനം ലോകത്തെ വന് സാമ്പത്തിക പ്രതിസന്ധിയിലേക്ക് നയിക്കുമെന്ന് അന്താരാഷ്ട്ര നാണ്യനിധി മേധാവി ക്രിസ്റ്റലിന ജോര്ജീവ പറഞ്ഞു. വികസ്വര രാഷ്ട്രങ്ങളെ സഹായിക്കാന് വന് തോതില് പണം ആവശ്യമാണെന്നും അവര് ചൂണ്ടിക്കാട്ടി. ലോകം സാമ്പത്തിക മാന്ദ്യത്തിലേക്ക് കടക്കുകയാണെന്ന് വ്യക്തമാണ്. വരാനിരിക്കുന്നത് 2009ലെതിനേക്കാളും മോശമായ സാഹചര്യമാവും. കൊറോണ വ്യാപനത്തെ തുടര്ന്ന് സമ്പദ് വ്യവസ്ഥ നിലച്ചതോടെ 2.5 ട്രില്യണ് ഡോളറിന്റെ ആവശ്യമാണുള്ളത്.
സാമ്പത്തികമായി താഴ്ന്ന സാഹചര്യത്തിലുള്ള 80 രാഷ്ട്രങ്ങളെങ്കിലും ഐ.എം.എഫിനോട് സഹായം ആവശ്യപ്പെട്ടിരിക്കുകയാണ്. അവരുടെ ആഭ്യന്തര സ്രോതസുകള് പ്രതിസന്ധി മറികടക്കാന് പര്യാപ്തമല്ല. അമേരിക്ക പ്രഖ്യാപിച്ച 2.2 ട്രില്യണ് ഡോളറിന്റെ സാമ്പത്തിക പാക്കേജിനെ ക്രിസ്റ്റലിന സ്വാഗതം ചെയ്തു. ലോകത്തിലെ ഏറ്റവും വലിയ സമ്പദ് വ്യവസ്ഥയെ സഹായിക്കാന് പാക്കേജ് അത്യാവശ്യമാണെന്ന് അവര് ചൂണ്ടിക്കാട്ടി.
https://www.facebook.com/Malayalivartha