കൊവിഡ് 19; ജിദ്ദ നഗരത്തിൽ 15 മണിക്കൂർ കർഫ്യൂ...ജിദ്ദ നഗരപരിധിയിൽ ആളുകൾ പ്രവേശിക്കുന്നതിനും പുറത്തേക്ക് പോകുന്നതിനും വിലക്ക്
കോവിഡ് 19 പശ്ചാത്തലത്തിൽ സൗദിയിൽ നിലവിലുള്ള കർഫ്യൂ ജിദ്ദ നഗര പരിധിയിൽ 15 മണിക്കൂറായി ദീർഘിപ്പി തീരുമാനമായി . ഇന്നുമുതൽ പ്രാബല്യത്തിലായെന്നും ഉച്ചകഴിഞ്ഞ് മൂന്ന് മുതൽ പിറ്റേന്ന് പുലർച്ചെ ആറുവരെയിരിക്കുമെന്നും ആഭ്യന്തര മന്ത്രാലയം അറിയിച്ചു. രാജ്യത്ത് ആകെ പ്രഖ്യാപിച്ചിരിക്കുന്ന 21 ദിവസ കർഫ്യൂ അവസാനിക്കുന്ന തീയതി വരെയും ജിദ്ദയിൽ ഈ സമയക്രമമായിരിക്കും. ജിദ്ദ നഗരപരിധിയിൽ ആളുകൾ പ്രവേശിക്കുന്നതിനും പുറത്തേക്ക് പോകുന്നതിനും വിലക്കുണ്ട് . ഭഷ്യ, ആരോഗ്യ, അടിയന്തര സേവന മേഖലകളെ കർഫ്യുവിൽ നിന്നും ഒഴിവാക്കിയിട്ടുണ്ട്.
അതേസമയം ലോകമൊട്ടാകെ കൊവിഡ് വ്യാപനം അനിയന്ത്രിതമാകുകയാണ്. ലോകമൊട്ടാകെ രോഗബാധിതരുടെ എണ്ണം ആറുലക്ഷം കവിഞ്ഞു. മരണനിരക്ക് മുപ്പത്തൊന്നായിരത്തിലധികം ആയി. ഇന്ത്യയിൽ രോഗബാധിതരുടെ എണ്ണം 979 ആയി ഉയർന്നു. ഇന്ത്യയിൽ 25 പേരാണ് ഇതുവരെ രോഗം ബാധിച്ച് മരിച്ചത്. കേരളത്തിൽ ഇതുവരെ 169 പേർക്കാണ് രോഗം ബാധിച്ചത്. കഴിഞ്ഞ ദിവസമാണ് കേരളത്തിലെ ആദ്യ കൊവിഡ് മരണം സ്ഥിതീകരിച്ചത്.
https://www.facebook.com/Malayalivartha