കൊവിഡ് 19; യുഎഇയില് രോഗബാധയേറ്റ് ഒരാൾ മരിച്ചു...ഇതോടെ രാജ്യത്ത് രോഗം ബാധിച്ച് മരിച്ചവരുടെ എണ്ണം മൂന്നായി...രോഗം സ്ഥിതീകരിക്കപ്പെട്ടവരുടെ എണ്ണം 570 ആയി
യുഎഇയില് കൊവിഡ് ബാധയിൽ ഒരു മരണം കൂടി . ഇതോടെ രാജ്യത്തെ കൊവിഡ് മരണങ്ങളുടെ എണ്ണം മൂന്നായി. രാജ്യത്ത് ഇന്ന് 102 പേർക്കാണ് രോഗം സ്ഥിരീകരിച്ചത് . ഇതോടെ രാജ്യത്ത് കൊവിഡ് 19 സ്ഥിരീകരിക്കപ്പെട്ടവരുടെ എണ്ണം 570 ആയി ഉയർന്നു . മൂന്ന് പേര് ഇന്ന് സുഖം പ്രാപിക്കുകയും ചെയ്തു. രണ്ട് ഇന്ത്യക്കാരും ഒരു ഫിലിപ്പൈനിയുമാണ് ഇന്ന് രോഗമുക്തരായത്. ഇതോടെ യുഎഇയില് കൊവിഡ് വൈറസ് ബാധയിൽ നിന്നും മുക്തരായവരുടെ എണ്ണം 58 ആയി.
47 വയസുള്ള അറബ് വനിതയാണ് ഇന്ന് മരിച്ചത്. ഇവര്ക്ക് നേരത്തെ തന്നെ ഗുരുതരമായ ആരോഗ്യ പ്രശ്നങ്ങളുണ്ടായിരുന്നു. ഇതോടൊപ്പം കൊവിഡ് ബാധ കൂടി സ്ഥിരീകരിച്ചതോടെ ആരോഗ്യനില കൂടുതല് മോശമാകുകയായിരുന്നു . മരിച്ച വ്യക്തിയുടെ കുടുംബാംഗങ്ങളോട് ആരോഗ്യ മന്ത്രാലയം അനുശോചനം അറിയിച്ചു.
ഇന്ന് രോഗം സ്ഥിരീകരിച്ച 102 പേരില് 30 പേർ ഇന്ത്യക്കാരാണ്. 16 പേര് ബ്രിട്ടീഷ് പൌരന്മാരും ഫിലിപ്പൈന്സ്, യുഎഇ എന്നിവിടങ്ങളില് നിന്നുള്ള ഏഴ് പേര് വീതവും ഇതില് ഉള്പ്പെടുന്നു. എല്ലാവരുടെയും ആരോഗ്യ നില തൃപ്തികരമാണെന്നും ആവശ്യമായ ആരോഗ്യ പരിചരണം ലഭ്യമാക്കിയിട്ടുണ്ടെന്നും അധികൃതര് അറിയിച്ചു.
https://www.facebook.com/Malayalivartha