കോറോണയെ ലോകത്ത് നിന്ന് തുടച്ചുനീക്കാൻ സുന്ദർപിച്ചയുടെ വക 6,000 കോടി; അലിബാബ, ബിൽ ഗേറ്റ്സ്, മാർക്ക് സക്കർബർഗ്, ടിം കുക്ക് എന്നിവർക്കുപിന്നാലെ ഇതാ വീണ്ടും വലിയ തുക, ഇവരൊക്കെയുള്ളപ്പോൾ നാമെങ്ങനെ ഈ മഹാമാരിക്കുമുന്നിൽ തോൽക്കും; മനസ്സുനിറഞ്ഞ് ലോകം
കൊറോണ വൈറസിനെ തുടച്ചുനീക്കാൻ ലോകമെമ്പാടും കിണഞ്ഞ് പരിശ്രമിക്കുകയാണ്. പലരുടെയും നിസകരണം ഏറെ വേദനിപ്പിക്കുന്നുവെങ്കിലും എന്തൊക്കെ വന്നാലും നാം ഈ മഹാമാരിയെ തോൽപ്പിക്കുമെന്ന് ഏവരും കടമയുൾക്കൊണ്ടുകൊണ്ടാണ് പ്രവർത്തിക്കുന്നത്. കൊറോണവൈറസ് ലോകത്തിന് വൻ ഭീഷണിയായി തുടരുന്നതിനാൽ ലോകമെമ്പാടുമുള്ള ശതകോടീശ്വരന്മാർ ഏവരെയും സഹായിക്കാൻ രംഗത്തെത്തിയിരിക്കുകയാണ്. കൊറോണ വ്യാപനത്തിന് പിന്നാലെ അലിബാബ, ബിൽ ഗേറ്റ്സ്, മാർക്ക് സക്കർബർഗ്, ടിം കുക്ക് എന്നിവർ ലോകമെമ്പാടുമുള്ള ആളുകളെ സഹായിക്കുന്നതിന് നേരത്തെ തന്നെ രംഗത്തെത്തിയിരുന്നു. ഇപ്പോഴിതാ ഏവരെയും അമ്പരപ്പിച്ചുകൊണ്ട് ഗൂഗിൾ മേധാവി സുന്ദർ പിച്ചൈയും വലിയൊരു തുക പ്രഖ്യാപിച്ചിരിക്കുന്നു.
ആരോഗ്യ ഓർഗനൈസേഷനുകൾ, ചെറുകിട ബിസിനസുകൾ, കൂടാതെ കോവിഡ്-19നെ പഠിക്കാൻ ശ്രമിക്കുന്ന ഗവേഷകർ എന്നിവയ്ക്കായിട്ടാണ് 800 ദശലക്ഷം ഡോളർ അതായത് ഏകദേശം 6000 കോടി രൂപ വിലമതിക്കുന്ന ഫണ്ട് ആൽഫബെറ്റ് വാഗ്ദാനം ചെയ്യുന്നുവെന്ന് സുന്ദർ പിച്ചൈ അറിയിച്ചത്. ഇത് ഏറെ ആശ്വാസം പകരുന്ന വാർത്തയാണ്. ഈ മഹാമാരിയെ നമ്മൾ അതിജീവിക്കും എന്നതിനെ മുൻനിർത്തി ഇതും നമ്മൾ കടന്നുപോകും എന്ന ചിന്തയും നൽകുന്നു.
എന്നാലിതാ 800 ദശലക്ഷം ഡോളർ പരസ്യ ക്രെഡിറ്റുകൾ, ക്ലൗഡ് സേവനങ്ങളിലേക്കുള്ള പ്രവേശനം എന്നിവയുടെ രൂപത്തിലാണ് ആൽഫബെറ്റ് നൽകുന്നത്. കൊറോണ വൈറസിന്റെ വ്യാപനത്തെക്കുറിച്ച് ലോകത്തെ ബോധവത്കരിക്കാൻ ശ്രമിക്കുന്ന മറ്റ് 100 പൊതു ഏജൻസികൾക്കൊപ്പം ലോകാരോഗ്യ സംഘടന പോലുള്ള സ്ഥാപനങ്ങൾക്ക് ആൽഫബെറ്റ് 250 ദശലക്ഷം ഡോളറിന്റെ പരസ്യ ഗ്രാന്റുകൾ നൽകുന്നതായിരിക്കും.
അതോടൊപ്പം തന്നെ കൊറോണ വൈറസിനെ കുറിച്ച് പഠിക്കുന്ന ശാസ്ത്രജ്ഞർക്കും ഗവേഷകർക്കുമായി ഗൂഗിൾ ക്ലൗഡ് സേവനങ്ങൾക്കായി ആൽഫബെറ്റ് 20 ദശലക്ഷം ഡോളർ ക്രെഡിറ്റുകൾ വാഗ്ദാനം ചെയ്തിട്ടുണ്ട്. ഇതേതുടർന്ന് അവർക്ക് ഈ ക്ലൗഡിന്റെ സഹായം ഗവേഷണം നടത്താനും, നിർണ്ണായക ഡേറ്റ ട്രാക്കുചെയ്യാനും ഇതുവഴി കഴിയുന്നതായിരിക്കും.
https://www.facebook.com/Malayalivartha