നഖം വെട്ടൂ....ജീവന് രക്ഷിയ്ക്കു; ബ്രിട്ടനിലെ പഠനം പറയുന്നതിങ്ങനെ...
കോവിഡ്-19 ലോകത്തെ മുഴുവന് ആശങ്കയിലാഴ്ത്തിയ മഹാമാരിയായി മാറിക്കഴിഞ്ഞിരിക്കുന്നു. ഈ അദൃശ്യ ശത്രുവിനെ നേരിടാനായി നിരവധി രാജ്യങ്ങള്, അടിയന്തരാവസ്ഥ ഉള്പ്പെടെയുള്ള കര്ശന നിയന്ത്രണങ്ങളാണ് പ്രഖ്യാപിച്ചിട്ടുള്ളത്. ലോകം ഇന്നേ വരെ കണ്ടിട്ടില്ലാത്ത സ്ഥിതി വിശേഷം. മാരക വൈറസിനെ പിടിച്ചു കെട്ടാന് ശാസ്ത്രലോകം അഹോരാത്രം അധ്വാനിക്കുകയാണ്. അതുവരെ സാമൂഹിക അകലം പാലിക്കുക എന്നത് മാത്രമാണ് ഏക പ്രതിരോധ മാര്ഗം. ശുചിത്വം ശീലിക്കുക, ആളുകളുമായി പരമാവധി അകലം പാലിക്കുക എന്നതാണ് ഓരോരുത്തര്ക്കും ചെയ്യാന് സാധിക്കുന്നത്. ഈ അവസരത്തില് മറ്റൊരു മുന്നറിയിപ്പുമായി വന്നിരിക്കുകയാണ് ബ്രിട്ടനിലെ ഒരു ബ്യൂട്ടി എക്സ്പെര്ട്ട് ഡോ. എലിസബത്ത് ദാന്സി.
കോവിഡ് 19നെ തടയാന് നഖങ്ങള് എപ്പോഴും വെട്ടി വൃത്തിയാക്കാനാണ് എലിസബത്ത് പറയുന്നത്. നമ്മള് എത്രയൊക്കെ കൈകള് വൃത്തിയാക്കിയാലും നഖങ്ങള്ക്കുള്ളില് അഴുക്ക് അടിഞ്ഞിരിക്കാന് സാധ്യതയുണ്ട്. ഇത് വൈറസിന് നിങ്ങളുടെ ശരീരത്തില് പ്രവേശിക്കാന് വഴി എളുപ്പമാക്കും. നീണ്ട നഖങ്ങള്, നെയില് എക്സ്റ്റെന്ഷനുകള്, നെയില് വാര്ണിഷ് എന്നിവ തല്ക്കാലം വേണ്ട എന്നാണ് എലിസബത്ത് പറയുന്നത്.
കൈകള് വൃത്തിയായി കഴുകാനും ഓരോ വട്ടവും സാനിറ്റൈസറുകള് ഉപയോഗിക്കാനും വിദഗ്ധര് പറയുന്നുണ്ടെങ്കിലും ആരും നഖങ്ങള് വെട്ടുന്നതിനെ കുറിച്ച് പറയുന്നില്ല എന്ന് എലിസബത്ത് പറയുന്നു. ബാക്ടീരിയ, വൈറസ്, ഫംഗസ് എന്നിവ വളരാന് നീണ്ട നഖങ്ങള് കാരണമാകും. കൈകള് എത്ര വൃത്തിയാക്കിയാലും ഇത് ചിലപ്പോള് പൂര്ണ്ണമായും പോകില്ല. ഈ സമയം നെയില് പോളിഷ് പോലും ഇടാതെയിരിക്കുന്നതാണ് നല്ലതെന്ന് എലിസബത്ത് പറയുന്നു.
https://www.facebook.com/Malayalivartha