അമേരിക്കയിൽ പ്രവാസികൾ ഇനി നേരിടാൻ പോകുന്നത്; വിസാ ഫീസുകൾ കുത്തനെ ഉയർത്തി, പ്രവാസികൾക്ക് ഇരട്ടത്താപ്പ്
കൊറോണ വൈറസ് പ്രവാസികൾക്ക് നൽകിയ ആഘാതം ചെറുതൊന്നുമല്ല. ജോലി നഷ്ടപ്പെട്ടവർ, ഉറ്റവരെ നഷ്ടപ്പെട്ടവർ, നാട്ടിലേക്ക് വരാനാകാതെ കഷ്ടപ്പെടുന്നവർ എന്നിങ്ങനെ നിരവധിപേരാണ് പ്രവാസലോകത്ത് ഉള്ളത്. എന്നാൽ അവസാനിക്കുന്നില്ല പ്രവാസികൾക്ക് അമേരിക്കയുടെ ഇരട്ടത്താപ്പ് . കോവിഡ് വ്യാപനത്തെ തുടർന്ന് മാർച്ചിൽ അടച്ച സിഐഎസ് ഓഫീസുകൾ ജൂണ് നാലു മുതൽ തുറക്കാൻ അനുമതി നൽകിയിരിക്കുകയാണ്. ഇമിഗ്രേഷൻ, വീസ അപേക്ഷകൾ പ്രോസസ് ചെയ്യുന്ന അമേരിക്കൻ സർക്കാർ ഏജൻസിയായ യുഎസ് സിറ്റിസണ്ഷിപ്പ് ആന്റ് ഇമിഗ്രേഷൻ സർവീസസ് അപേക്ഷാ ഫീസിൽ 10 ശതമാനം സർചാർജ്ജ് വർധിപ്പിക്കുന്നതായിരിക്കും. ഇത് വാൾസ്ട്രീറ്റ് ജേർണലാണ് റിപ്പോർട്ട് ചെയ്തത്.
അതോടൊപ്പം തന്നെ അമേരിക്കൻ കോണ്ഗ്രസിൽ നിന്ന് 1.2 ബില്യണ് ഡോളർ അടിയന്തര ധനസഹായം ഏജൻസി ആവശ്യപ്പെട്ടിട്ടുണ്ടെന്നും പ്രസിദ്ധീകരിച്ച റിപ്പോർട്ടിൽ വ്യക്തമായി പറയുന്നു. ഇതേതുടർന്ന് ഇന്ത്യൻ ടെക്കികൾക്കിടയിൽ വലിയ പ്രചാരത്തിലുള്ള എച്ച്- 1 ബി വീസകൾ അംഗീകരിക്കുന്നതിനുള്ള ചുമതല യുഎസ് സിഐഎസിനും ഉണ്ട് എന്നതാണ് മറ്റൊരു പ്രത്യേകതയായി മാറിയിരിക്കുന്നത്.
അതായത് 2020 സാമ്പത്തിക വർഷത്തിൽ എച്ച്-1 ബി വീസ അതിന്റെ പരമാവധി പരിധിയിലെത്തികഴിഞ്ഞതായി യുഎസ് സിഐഎസ് കഴിഞ്ഞ മാസം അറിയിക്കുകയും ചെയ്തിരുന്നു. ഇതേതുടർന്ന് ഏറ്റവും കൂടുതൽ ആവശ്യപ്പെടുന്ന യുഎസ് വർക്ക് വീസ അപേക്ഷകൾക്കായി പുതിയ നിയമങ്ങൾ നടപ്പാക്കുമെന്ന് യുഎസ് സിഐഎസ് പ്രഖ്യാപിച്ചതിന് ശേഷം എച്ച് -1 ബി അപേക്ഷകളുടെ ആദ്യ സീസണാണിത് എന്നും വ്യക്തമാക്കുകയും ചെയ്തിരിക്കുകയാണ്.
അതോടൊപ്പം തന്നെ അമേരിക്കയിൽ കോവിഡ് ബാധിതരുടെ എണ്ണം 15,27,664 ആയി ഉയർന്നിരിക്കുകയാണ്. ഇതിനോടകം തന്നെ 90,978 പേരാണ് രാജ്യത്ത് വൈറസ് ബാധിച്ച് മരിച്ചത്. ഇതുവരെ 3,46,389 പേരാണ് രോഗമുക്തി നേടിയത്. 2,70,099 രോഗികൾ ഇപ്പോഴും ചികിത്സ തുടരുന്നുവെന്നാണ് ഒൗദ്യോഗിക കണക്ക് വ്യക്തമാക്കുന്നത്. കഴിഞ്ഞ 24 മണിക്കൂറിനിടെ 865 മരണമാണ് അമേരിക്കയിൽ റിപ്പോർട്ട് ചെയ്തത്. ഇതേ സമയത്തിനിടെ രോഗം ബാധിച്ചത് 1,748 പേർക്ക് എന്നാണ് കണക്കുകൾ വ്യക്തമാകുന്നത്. ന്യൂയോർക്ക് -191 , മസാച്യുസെറ്റ്സ്-92, മിഷിഗണ്- 133, ന്യൂജേഴ്സി- 106, കാലിഫോർണിയ - 81, ഇല്ലിനോയിസ്- 48 എന്നിങ്ങനെയാണ് വിവിധ സംസ്ഥാനങ്ങളിൽ 24 മണിക്കൂറിനിടെ മരിച്ചവരുടെ എണ്ണം ലഭ്യമാകുന്നത്.
https://www.facebook.com/Malayalivartha