അമേരിക്കന്‍ മണ്ണില്‍ നിന്ന് ആദ്യമായി നാസയുടെ സഞ്ചാരികള്‍ ബഹിരാകാശത്തേക്ക് കുതിക്കുമ്പോള്‍ എല്ലാ കണ്ണുകളും ഇന്ത്യയിലാണ്. 2011 മുതല്‍ ഇതുവരെ റഷ്യക്ക് ദശലക്ഷകണക്കിന് ഡോളര്‍ നല്‍കിയായിരുന്നു അമേരിക്കന്‍ സഞ്ചാരികളുടെ യാത്ര. ഇക്കുറി റഷ്യയ്ക്ക് പകരം സ്പേസ് എക്സ് എന്ന സ്വകാര്യ കമ്പനിയാണ് നാസയുടെ സഞ്ചാരികളെ രാജ്യാന്തര ബഹിരാകാശ നിലയത്തിലെത്തിക്കുന്നത്. ചരിത്രത്തിലാദ്യമായാണ് ഇത്തരമൊരു ശ്രമം പോലും ഒരു സ്വകാര്യ കമ്പനി നടത്തുന്നത്. റഷ്യ, അമേരിക്ക, ചൈന എന്നീ രാജ്യങ്ങള്‍ മാത്രം വിജയിച്ചിട്ടുള്ള മനുഷ്യരെ ബഹിരാകാശത്തെത്തിക്കുക എന്ന ഹിമാലയന്‍ നേട്ടത്തിനരികെയാണ് സ്പേസ് എക്സ്.

ഇന്ത്യന്‍ വംശജയായ കല്‍പന ചൗള അടക്കം ഏഴ് സഞ്ചാരികളുടെ ജീവന്‍ പൊലിഞ്ഞ കൊളംബിയ ഷട്ടില്‍ ദുരന്തത്തിന് മൂന്ന് വര്‍ഷം മുന്‍പാണ് ഹര്‍ലിയും ബെന്‍കനും നാസയുടെ ബഹിരാകാശ സഞ്ചാരികള്‍ക്കായുള്ള ചുരുക്കപട്ടികയിലെത്തുന്നത്. ഏതായാലും ഗഗന്‍യാന്‍ പദ്ധതിയുടെ ഭാഗമായുളള പ്രായോഗിക പരിശീലനം ഇന്ത്യന്‍ ബഹിരാകാശ യാത്രികര്‍ പുന:രാരംഭിച്ചതോടെ ഇനി എല്ലാ കണ്ണുകളും ഇന്ത്യയിലാണ്. കൊറോണ വൈറസ് വ്യാപനത്തിന്റെ പശ്ചാത്തലത്തില്‍ നിര്‍ത്തിവെച്ച ഗഗന്‍യാന്‍ പദ്ധതിയുടെ ഭാഗമായുള്ള പ്രായോഗിക പരിശീലനം ഇന്ത്യന്‍ ബഹിരാകാശ യാത്രികര്‍ പുന:രാരംഭിച്ചു. നാല് ബഹിരാകാശ യാത്രികരുടെയും പരിശീലനം വീണ്ടും ആരംഭിച്ചതായി ഗഗാറിയന്‍ റിസര്‍ച്ച് ആന്റ് ടെസ്റ്റ് കോസ്മൗണ്ട് ട്രെയിനിംഗ് സെന്റര്‍ പ്രസ്താവനയിലൂടെ അറയിച്ചു.

നാല് ഇന്ത്യന്‍ ബഹിരാകാശ യാത്രികരുടെയും ആരോഗ്യനില തൃപ്തികരമാണെന്നും ജിസിടിസി വ്യക്തമാക്കി. വൈറസ് വ്യാപനത്തിന്റെ പശ്ചാത്തലത്തില്‍ പ്രതിരോധ നടപടികള്‍ സ്വീകരിച്ച ശേഷമാണ് വീണ്ടും പരിശീലന പ്രവര്‍ത്തനങ്ങള്‍ ജിസിടിസി ആരംഭിച്ചിരിക്കുന്നത്. സാമൂഹിക അകലം പാലിച്ചാകും പരിശീലനം നല്‍കുക. ജിസിടിസിയിലേക്ക് ജീവനക്കാര്‍ക്കും പരിശീലകര്‍ക്കും അല്ലാതെ പ്രവേശനത്തിന് അനുമതി ഇല്ല. ജിസിടിസിയിലെ എല്ലാ ജീവനക്കാരും നിര്‍ബന്ധമായും മാസ്‌ക്ക് ധരിക്കണമെന്നും പ്രസ്താവനയില്‍ അറിയിച്ചിട്ടുണ്ട്. കൊറോണ വൈറസ് വ്യാപനത്തെ തുടര്‍ന്ന് ഏപ്രില്‍ 30 നാണ് ബഹിരാകാശ യാത്രികര്‍ക്കുള്ള പ്രായോഗിക പരിശീലനം താത്കാലികമായി നിര്‍ത്തിവെച്ചത്. തുടര്‍ന്ന് നാല് പേരോടും നിരീക്ഷണത്തില്‍ പോകാനും അധികൃതര്‍ നിര്‍ദ്ദേശിച്ചിരുന്നു. ഇവര്‍ക്കായി ഏപ്രില്‍ ആദ്യവാരം പരീക്ഷ നടത്തിയിരുന്നു. പരീക്ഷയില്‍ ഇവര്‍ വിജയിച്ചതിനെ തുടര്‍ന്നാണ് പ്രായോഗിക പരിശീലനം നല്‍കാന്‍ തീരുമാനിച്ചത്.