ഏറെ വെല്ലുവിളികൾ നിറഞ്ഞതായിരുന്നു കൊറൊണാ തുടങ്ങിയ കാലഘട്ടം. പഴയ ഒരു രീതിയിലേക്ക് ലോകം ഇനി ഒരിക്കലും തിരിച്ചു പോകില്ല എന്ന് വരെ ലോകാരോഗ്യസംഘടന ഒരുഘട്ടത്തിൽ പറയേണ്ടുന്ന ഗതികേട് വരെ ഉണ്ടായിരുന്നു. എന്നാൽ അതേ ലോകാരോഗ്യസംഘടന ഇപ്പോൾ പറയുന്നത് ലോകത്തിന് ഏറെ ആശ്വാസകരമാകുന്നു. കൊറോണ വൈറസ് കുറയുന്നു എന്നാണ് ലോകാരോഗ്യ സംഘടന ഇപ്പോൾ വ്യക്തമാക്കിയിരിക്കുന്നത്. ലോകം കൊറോണക്കെതിരെ ജയം നേടുന്നുവെന്നും അദ്ദേഹം വ്യക്തമാക്കുന്നു. രോഗവ്യാപനം കുറയുന്നതായി ലോകാരോഗ്യ സംഘടന വെളിപ്പെടുത്തിയിരിക്കുന്നു. മാത്രമല്ല ഇന്ത്യ കാഴ്ചവച്ച നിസ്വാർത്ഥ പ്രവർത്തനത്തിന് നന്ദിയറിയിക്കുകയാണ് ലോകാരോഗ്യ സംഘടനാ തലവൻ. അദ്ദേഹംപ്രധാനമന്ത്രിയ്ക്ക് നന്ദിയറിച്ചു.

ആഗോളതലത്തിൽ കൊറോണയെ നിയന്ത്രിക്കാനായതായി ലോകാരോഗ്യ സംഘടന വെളിപ്പെടുത്തിയിരിക്കുന്നു. നിലവിലെ രോഗവ്യാപന തോത് കുറയുന്നതായ കണക്കുകൾ ഉദ്ധരിച്ചാണ് വിശകലനം നടന്നത്. ലോകാരോഗ്യ സംഘടനാ മേധാവി ടെഡ്രോസ് ഗെബ്രിയേസുസാണ് കൊറോണ വ്യാപനം കുറയുന്ന വിവരം അറിയിച്ചത്. കഴിഞ്ഞ മൂന്നാഴ്ച അടിപ്പിച്ച് ലോകം കൊറോണ വ്യാപനത്തിൽ നിയന്ത്രണം കൈവരിച്ചിരിക്കുകയാണ്. വലിയ തോതിലുള്ള കുറവാണ് രോഗബാധിതരുടെ എണ്ണത്തിൽ വന്നിരിക്കുന്നത്. ചില രാജ്യങ്ങളിൽ രോഗവ്യാപനം കുറഞ്ഞിട്ടില്ലെങ്കിലും ആഗോള തലത്തിലെ കണക്കുകൾ ആശാവഹമാണെന്നും ടെഡ്രോസ് വ്യക്തമാക്കി. നിയന്ത്രണങ്ങൾ ഒരിടത്തും പൊടുന്നനെ പിൻവലിക്കരുതെന്നും ടെഡ്രോസ് നിർദ്ദേശിച്ചു. ക്വാറന്റൈൻ സംവിധാനങ്ങൾ ജനങ്ങളെ പരിശീലിപ്പിക്കാനും വ്യക്തിപരമായ നിയന്ത്രണങ്ങൾ ബോധവൽക്കരണം വഴി വ്യാപകമാക്കണമെന്നും ലോകാരോഗ്യ സംഘടനാ മേധാവി പറഞ്ഞു.