ഇന്ത്യക്കാർക്ക് ഇളവുമായി ബ്രിട്ടൻ; രണ്ട് ഡോസ് വാക്സിന് സ്വീകരിച്ച ശേഷം രാജ്യത്ത് എത്തുന്ന ഇന്ത്യക്കാര്ക്ക് ഇനി മുതല് ഇന്സ്റ്റിറ്റിയൂഷണല് ക്വാറന്റൈന് നിര്ബന്ധമില്ല
ഇന്ത്യയില് നിന്നുള്ള യാത്രക്കാര്ക്ക് ഏര്പ്പെടുത്തിയിരുന്ന കോവിഡ് നിയന്ത്രങ്ങളില് ഇളവ് പ്രഖ്യാപിച്ച് ബ്രിട്ടന് രംഗത്ത് എത്തിയിരിക്കുകയാണ്. രണ്ട് ഡോസ് വാക്സിന് സ്വീകരിച്ച ശേഷം രാജ്യത്ത് എത്തുന്ന ഇന്ത്യക്കാര്ക്ക് ഇനി മുതല് ഇന്സ്റ്റിറ്റിയൂഷണല് ക്വാറന്റൈന് നിര്ബന്ധമില്ല എന്നതാണ് പ്രവാസികൾക്ക് ഏറെ ആശ്വാസമായി വന്നത്. ഇന്ത്യയെ റെഡ് ലിസ്റ്റില് നിന്ന് ഒഴിവാക്കിയതിന് പിന്നാലെയാണ് ഇളവ് നൽകുക.
കൂടാതെ ഇന്ത്യയില് നിന്നുള്ള യാത്രക്കാര്ക്ക് ഇനി മുതല് യുകെയിലെത്തിയാല് തങ്ങള്ക്കിഷ്ടമുള്ള സ്ഥലത്ത് 10 ദിവസം സ്വയം നിരീക്ഷണത്തില് കഴിയാവുന്നതാണ്. അഞ്ച് ദിവസത്തിന് ശേഷം പരിശോധന നടത്തി നെഗറ്റീവായാല് ക്വാറന്റീന് അവസാനിക്കുകയും ചെയ്യുമെന്ന് അധികൃതർ വ്യക്തമാക്കി.
അതേസമയം ഇന്ത്യക്ക് പുറമേ ഖത്തര്, യു.എ.ഇ, ബഹ്റൈന് എന്നീ രാജ്യങ്ങളേയും റെഡ് ലിസ്റ്റില് നിന്ന് ഒഴിവാക്കിയിട്ടുണ്ട്. ഇന്ത്യയില് നിന്നുള്ള നിരവധി യാത്രക്കാര്ക്ക് ആശ്വാസം പകരുന്ന തീരുമാനമാണ് ബ്രിട്ടന്റേത്. ഇത് നിരവധി പ്രവാസികൾക്ക് ആശ്വാസവർത്തയായി മാറുകയാണ്.
https://www.facebook.com/Malayalivartha
