കര്‍മ റഷ്യയെ തിരിച്ചടിക്കുന്നു; ബുച്ച കൂട്ടക്കൊലയ്ക്ക് പകരം വീട്ടി യുക്രൈന്‍; ചോരയില് മുങ്ങി റഷ്യന്‍ സൈനീകര്‍; തുരുതുരാ വെടി; തെരുവില്‍ മരണത്തോട് മല്ലിട്ട് റഷ്യന്‍ സൈന്യം; കര്‍മാ തിരിച്ചടിക്കുന്നു
റഷ്യ ചെയ്തു കൂട്ടിയ പാപങ്ങള്‍ അവരെ തന്നെ പിന്തുടര്‍ന്നടിക്കുന്നതാണ് യുക്രൈനില്‍ കാണാന്‍ കഴിയുന്നത്. ബുച്ചയിലെ കൂട്ടക്കൊലയില്‍ ലോകം മുഴുവന്‍ റഷ്യയ്‌ക്കെതിരെ തിരിഞ്ഞു ഇന്ത്യപോലുമ റഷ്യയ്‌ക്കെതിരെ തിരിഞ്ഞു മാര്‍പാപ്പ യുക്രൈന്‍ പതാകയെ ചുമ്പിച്ച് റഷ്യയോട് ഈ കൊടും ക്രൂരത നിര്‍ത്തക്കൂടേ എന്ന് അഭ്യര്‍ത്ഥിച്ചു. ഇങ്ങനെ ബുച്ചയിലെ റഷ്യയുടെ കടുത്ത മനുഷ്യാവകാശ ലംഘനങ്ങളിലെല്ലാം ലോകം ശക്തമായി അപലപിക്കുമ്പോഴാണ്. യുക്രൈന്‍ അതേ നാണയത്തില്‍ റഷ്യയ്ക്ക് മറുപടി നല്‍കുന്നതിന്റെ വീഡിയോ ദൃശ്യങ്ങളടക്കം ഇപ്പോള്‍ പ്രചരിക്കുന്നത്. പിടിയിലായ റഷ്യന്‍ സൈനികരെ യുക്രെയ്ന്‍ സൈനികര്‍ വധിക്കുന്ന വിഡിയോ ആണ് സമൂഹമാധ്യമങ്ങളില്‍ വ്യാപകമായി പ്രചരിക്കുന്നത്. റഷ്യ സൈനികര്‍ സാധാരണക്കാരായ പൗരന്‍മാരെ കൂട്ടക്കൊല നടത്തിയ ബുച്ച നഗരത്തിന്റെ ദക്ഷിണ പടിഞ്ഞാറായുള്ള ദിമിത്രിവ്ക ഗ്രാമത്തിലാണ് സംഭവം
അതുപോലെ തന്നെ ഉപഗ്രഹചിത്രങ്ങളില്‍ ഈ പ്രദേശത്ത് മൃതദേഹങ്ങള്‍ നിലത്ത് ചിതറിക്കിടക്കുന്നതായി സ്ഥീരീകരിക്കുകയും ചെയ്തിരുന്നു. കൈകള്‍ പിറകില്‍ കെട്ടിയ ഒരാളടക്കം മൂന്നു റഷ്യന്‍ സൈനികര്‍ വെടിയേറ്റയാള്‍ക്കൊപ്പം റോഡില്‍ കിടക്കുന്നത് വിഡിയോയില്‍ കാണാം. എല്ലാവരുടെയും ചുറ്റും രക്തം പരന്നൊഴുകുന്നുണ്ട്. വീണുകിടക്കുന്ന സൈനികര്‍ റഷ്യന്‍ സൈനികരുടെ വെളുത്ത ബാന്‍ഡ് കയ്യില്‍ ധരിച്ചിട്ടുണ്ട്. റഷ്യന്‍ സൈനികരുടെ ജാക്കറ്റ്, ഷൂ, ഹെല്‍മറ്റ് എന്നിവ നീക്കം ചെയ്ത നിലയിലാണ്. നോക്കൂ, ഇയാള്‍ക്ക് ജീവനുണ്ട്, ശ്വാസം എടുക്കുന്നുണ്ടെന്ന് ഒരു സൈനികന്‍ പറയുന്നതും ഇവരെ ആരെയും വെറുതെ വിടാന്‍ ഉദ്ദേശിക്കുന്നില്ലെന്ന് മറ്റൊരാള്‍ മറുപടി പറയുന്നതും വിഡിയോയില്‍ കേള്‍ക്കാം.
തുടര്‍ന്ന് സൈനികരിലൊരാള്‍ നിരങ്ങി നീങ്ങുന്ന റഷ്യന്‍ സൈനികനെ രണ്ടു വട്ടം വെടിവയ്ക്കുന്നതുമാണ് വിഡിയോയിലുള്ളത്. ജീവനറ്റ ശേഷം ഒരു വട്ടം കൂടി യുക്രെയ്ന്‍ സൈനികന്‍ വെടിയുതിര്‍ത്തു. യുക്രെയ്‌നു മഹത്വം എന്ന് ആര്‍ത്തുവിളിക്കുന്നതും വിഡിയോയില്‍ കേള്‍ക്കാം. ഇനി ഞങ്ങളുടെ മണ്ണിലേക്കു വരരുതെന്ന് സൈനികരില്‍ ഒരാള്‍ പറയുന്നതോടെയാണ് വിഡിയോ അവസാനിക്കുന്നത്. കയ്യിലെ നീല ബാന്‍ഡും പതാകയും വഴിയാണ് വിഡിയോയില്‍ യുദ്ധക്കുറ്റം ചെയ്തവര്‍ യുക്രെയ്ന്‍ സൈനികരാണെന്ന് തിരിച്ചറിഞ്ഞതെന്ന് ദി ന്യൂയോര്‍ക് ടൈംസ് റിപ്പോര്‍ട്ട് ചെയ്യുന്നു.
ബുച്ചയില്‍ റഷ്യന്‍ സൈന്യം നടത്തിയ കൂട്ടക്കുരുതിയ്ക്ക് പ്രതികാരമായാണ് സൈനികരെ കൊലപ്പെടുത്തിയെന്ന് പ്രാദേശിക മാധ്യമം റിപ്പോര്‍ട്ട് ചെയ്തു. വിഡിയോ ശ്രദ്ധയില്‍പെട്ടുവെന്നും അന്വേഷിച്ച് നടപടിയെടുക്കുമെന്നും യുക്രെയ്ന്‍ വിദേശകാര്യമന്ത്രി ഡിമിത്രോ കുലേബ പ്രതികരിച്ചു. യുദ്ധക്കുറ്റം ആര് ചെയ്താലും സ്വീകാര്യമല്ലെന്നും തുടര്‍നടപടികള്‍ ഉറപ്പു വരുത്തുമെന്നും നാറ്റോ സെക്രട്ടറി ജനറല്‍ ജെന്‍സ് സ്റ്റോള്‍ട്ടന്‍ബെര്‍ഗ് പ്രതികരിച്ചു.
കിഴക്കന്‍ യുക്രൈന്‍ നഗരമായ ക്രമാറ്റോര്‍സ്‌കില്‍ റെയില്‍വേ സ്റ്റേഷനു നേര്‍ക്ക് റഷ്യയുടെ റോക്കറ്റ് ആക്രമണം. മുപ്പതോളംപേര്‍ കൊല്ലപ്പെട്ടതായാണ് റിപ്പോര്‍ട്ട്. നൂറിലധികംപേര്‍ക്ക് പരിക്കേല്‍ക്കുകയും ചെയ്തു.
സിവിലിയന്‍മാരെ സുരക്ഷിതകേന്ദ്രങ്ങളിലേക്ക് മാറ്റാന്‍ ഉപയോഗിക്കുന്ന റെയില്‍വേ സ്റ്റേഷനു നേര്‍ക്കാണ് ആക്രമണം നടന്നത്. രണ്ടു റോക്കറ്റുകളാണ് സ്‌റ്റേഷനിലേക്ക് പതിച്ചത്.
സാധാരണക്കാര്‍ രാജ്യത്തിന്റെ സുരക്ഷിതമേഖലകളിലേക്ക് നീങ്ങുന്നതിനിടെയാണ് ആക്രമണമുണ്ടായതെന്ന് സ്റ്റേറ്റ് റെയില്‍വേ കമ്പനി അധികൃതര്‍ അറിയിച്ചു. അതേസമയം, ആക്രമണത്തെ കുറിച്ചും മരണസംഖ്യയേക്കുറിച്ചും റഷ്യ ഇതുവരെ പ്രതികരിച്ചിട്ടില്ല. ഫെബ്രുവരി 24നാണ് റഷ്യ, യുക്രൈനു നേര്‍ക്ക് സൈനിക നടപടി ആരംഭിച്ചത്.
https://www.facebook.com/Malayalivartha
