വിമാനത്തിനുള്ളില്‍ വെച്ച് സ്വയംഭോഗം നടത്തിയ യാത്രക്കാരന് സഹയാത്രിക പണികൊടുത്തു...
ഇപ്പോള്‍ മനുഷ്യ ജന്മങ്ങള്‍ക്ക് ഒരു നാണവും ഇല്ലായെന്ന് തന്നെ പറയേണ്ടിവരും. ചില മനുഷ്യര്‍ വിചാരിക്കുന്നത് ഈ ലോകത്ത് തനിക്ക് മാത്രമേ ബുദ്ധിയും ബോധവും ഉള്ളൂയെന്നാണ്. ബാക്കിയെല്ലാവരും മൃഗങ്ങളോ അല്ലെങ്കില്‍ മറ്റ് അന്യഗ്രഹജീവികളാണെന്നാണ് വിചാരം. ചിലര്‍ കാട്ടിക്കൂട്ടുന്ന കോമാളികള്‍ കണ്ടാല്‍ ലജ്ജിച്ചുപോകും സാധാരണ മനുഷ്യര്‍.
നാലുചുവരിനുള്ളില്‍ രഹസ്യമായി ചെയ്യേണ്ട കാര്യങ്ങള്‍ പരസ്യമായി ചെയ്യുമ്പോള്‍ അത് കണ്ടാല്‍ പുറം ലോകത്തെ അറിയിക്കുന്നതില്‍ തെറ്റില്ല. അത്തരത്തില്‍ ഒരു യുവതി എടുത്ത വീഡിയോയാണ് ഇപ്പോള്‍ സോഷ്യല്‍ മീഡിയയില്‍ സംസാര വിഷയം. ഏപ്രില്‍ രണ്ടിന് അമേരിക്കയിലെ സിയാറ്റിലില്‍ നിന്നും അരിസോണയിലെ ഫീനിക്‌സിലേക്ക് സഞ്ചരിക്കുന്നതിനിടയിലാണ് സംഭവം നടന്നത്. വിമാനത്തിനുള്ളില്‍ സഹയാത്രികയ്ക്ക് മുന്നില്‍ വെച്ച് നാല് തവണ സ്വയംഭോഗം നടത്തിയ യാത്രക്കാരന് അറസ്റ്റില്‍ ആയിരിക്കുകയാണ്.
സൗത്ത് വെസ്റ്റ് എയര്‍ലൈന്‍സ് 3814 വിമാനത്തില്‍ വച്ചായിരുന്നു യാത്രക്കാരന് നാലു തവണ സ്വയംഭോഗം നടത്തിയത്. സഹയാത്രിക നോക്കി നില്‍ക്കവേയായിരുന്നു വിമാനത്തിനുള്ളില്‍ വച്ച് ഇയാള്‍ സ്വയംഭോഗം ചെയ്തത്. ഇയാളുടെ ദൃശ്യങ്ങള്‍ സഹയാത്രിക രഹസ്യമായി പകര്‍ത്തുന്നുണ്ടായിരുന്നു.
സ്വയംഭോഗത്തിന് ഇടയില്‍ ഇയാള്‍ തളര്‍ന്നുറങ്ങുമ്പോള്‍ സഹയാത്രിക വിമാന ജീവനക്കാര്‍ക്കും പിന്നീട് പോലീസിനും ഈ ദൃശ്യങ്ങള്‍ കൈമാറുകയായിരുന്നു. സിയാറ്റിലില്‍ നിന്നും വിമാനത്തില്‍ കയറി 11 എഫ് സീറ്റിലിരുന്ന ഇയാള്‍ക്കെതിരെ വിവിധ കുറ്റങ്ങള്‍ ചുമത്തിയിട്ടുണ്ട്.
എന്നാല്‍ വിമാനം പറന്നുയര്‍ന്ന ശേഷം തൊട്ടടുത്തുണ്ടായിരുന്ന സഹയാത്രികയോട് സ്വയംഭോഗം ചെയ്യുന്നതില്‍ വിരോധം ഉണ്ടോ എന്ന് അയാള്‍ ചോദിച്ചിരുന്നു. കുഴപ്പമില്ല എന്ന് അവര്‍ മറുപടി പറഞ്ഞതായും കോടതി രേഖകളില്‍ പറയുന്നുണ്ട്. തുടര്‍ന്ന് സഹയാത്രിക നോക്കിനില്‍ക്കുകയായിരുന്നു സ്വയംഭോഗം ആരംഭിച്ചത്.
എന്നാല്‍ ഇതൊരു സാധാരണ കാര്യമാണ് എന്നും സഹയാത്രികയ്ക്ക് ബുദ്ധിമുട്ടുണ്ടാകും എന്ന് കരുതിയില്ല എന്നായിരുന്നു പൊലീസിനോട് ഇയാളുടെ പ്രതികരണം. ഇയാള്‍ നാല് തവണ സ്വയംഭോഗം നടത്തി എന്നാണ് സഹയാത്രിക പോലീസിന് നല്‍കിയ പരാതി. സ്വയംഭോഗം ചെയ്യുന്നതില്‍ വിരോധമില്ല എന്ന് പറഞ്ഞെങ്കിലും ഇയാള്‍ സ്വയംഭോഗം ചെയ്യുന്ന ദൃശ്യങ്ങള്‍ സഹയാത്രിക രഹസ്യമായി ഫോണില്‍ പകര്‍ത്തി.
വിമാനത്തിലെ ജീവനക്കാര്‍ക്ക് ദൃശ്യങ്ങള്‍ കാണിച്ചു കൊടുത്തു. ഒടുവില്‍ വിമാനത്തിലെ ജീവനക്കാര്‍ ഇടപെട്ട് സ്ത്രീയുടെ സീറ്റ് മറ്റൊരിടത്തേക്ക് മാറ്റുകയായിരുന്നു. ഈ സമയത്തെല്ലാം തളര്‍ന്നു ഉറങ്ങുകയായിരുന്നു ഇയാള്‍. വിമാനം ഫീനിക്‌സ് വിമാനത്താവളത്തില്‍ ഇറങ്ങിയപ്പോള്‍ ജീവനക്കാര്‍ നല്‍കിയ വിവരങ്ങളുടെ അടിസ്ഥാനത്തില്‍ ഇയാളെ പൊലീസ് തടഞ്ഞുവച്ചു.
സഹയാത്രികയെ ചോദ്യം ചെയ്യുന്നതിനിടയില്‍ ഫോട്ടോകളും വീഡിയോ ദൃശ്യങ്ങളും ഇവര്‍ പോലീസിന് കൈമാറി. എന്നാല്‍ സഹയാത്രിക തന്റെ സ്വയംഭോഗം ആസ്വദിച്ചിരുന്നു എന്നാണ് കരുതിയത് എന്ന് ഇയാള്‍ പോലീസിനോട് മൊഴി നല്‍കി.
എന്നാല്‍ ഇത്തരത്തിലുള്ള പ്രവൃത്തികള്‍ വീഡിയോ എടുത്തത് കൊണ്ട് യുവതി അത് ആസ്വദിച്ചു എന്ന് പറയാന്‍ സാധിക്കില്ല. യുവതി വീഡിയോ എടുക്കാതെ സംഭവത്തെ കുറിച്ച് പുറത്ത് പറഞ്ഞാല്‍ ആരെങ്കിലും വിശ്വസിക്കുമോ. ഇപ്പോള്‍ എന്ത് കാര്യമായാലും അതിന് തെളിവുകളാണ് ആദ്യം ചോദിക്കുക. ഇത്തരത്തിലൊരു സംഭവം കൂടി ആകുമ്പോള്‍ തെളിവില്ലാതെ പുറത്ത് പറഞ്ഞാല്‍ വാദി പ്രതിയാകും.
https://www.facebook.com/Malayalivartha
