യുദ്ധത്തിൽ മരിച്ച അമ്മയെ സ്വർഗ്ഗത്തിൽ വെച്ച് കണ്ടുമുട്ടമെന്ന പ്രതീക്ഷയുമായി ഒൻപതു വയസ്സുകാരി ..യുദ്ധത്തിനിടെ മരിച്ച അമ്മക്ക് ഒമ്പത് വയസുകാരി എഴുതിയ കത്ത് വേദനയാകുന്നു... . നല്ല കുട്ടിയാവാൻ ഞാൻ എല്ലായ്‌പ്പോഴും ശ്രമിക്കും; എന്റെ ജീവതത്തിലെ ഏറ്റവും മികച്ച ഒൻപത് വർഷങ്ങൾ സമ്മാനിച്ചതിന് നന്ദി; അമ്മ ആകാശത്ത് സന്തോഷവതിയായിരിക്കണം; സ്വർഗത്തിൽ വെച്ച് കണ്ടുമുട്ടാം എന്നാണു കത്തിലെ വരികൾ

റഷ്യ യുക്രൈൻ യുദ്ധം ഇരുവശത്തും കനത്ത നാശ നഷ്ടങ്ങൾ ഉണ്ടാക്കിയിട്ടുണ്ട് . എങ്കിലും റഷ്യയുടെ സൈനിക നടപടിയിൽ യുക്രൈനാണ് ഏറ്റവും കൂടുതൽ നഷ്ടം ഉണ്ടായിട്ടുള്ളത് . റഷ്യൻ ആക്രമണത്തിൽ പതിനായിരങ്ങളുടെ ജീവൽ പൊലിഞ്ഞു .. ഇതോടെ ഉറ്റവരെ നഷ്ടപ്പെട്ട് അനാഥരാക്കപ്പെട്ട കുരുന്നുകൾ നിരവധിയാണ് . യുദ്ധത്തിന്റെ കണക്കെടുക്കുമ്പോൾ ഈ കുഞ്ഞുങ്ങളുടെ കണ്ണീർ ആരും കണക്കിലെടുക്കാറില്ല

ഇത്തരത്തിൽ സ്വന്തം അമ്മയെ നഷ്ടപ്പെട്ട ഒമ്പത് വയസുള്ള ഒരു യുക്രൈൻ പെൺകുട്ടി അമ്മയ്ക്ക് എഴുതിയ ഒരു കത്താണ് ഏവരെയും നൊമ്പരപ്പെടുത്തുന്നത്. യുദ്ധത്തിൽ കൊല്ലപ്പെട്ട തന്റെ അമ്മയെ സ്വർഗത്തിൽവച്ച് കണ്ട് മുട്ടാം എന്ന് ആ കുട്ടി ആ ഒൻപതു വയസ്സുകാരി പറയുമ്പോൾ കണ്ണീരടക്കനല്ലാതെ ആർക്കും ഒന്നും ചെയ്യാനില്ല. . 'നല്ല കുട്ടിയാവാൻ ഞാൻ എല്ലായ്‌പ്പോഴും ശ്രമിക്കും. അങ്ങനെയായാൽ എനിക്ക് അമ്മയെ സ്വർഗത്തിൽ വച്ച് കാണാല്ലോ'- എന്നാണു ഒൻപതുകാരിയുടെ നിഷ്ക്കളങ്കമായ പ്രതീക്ഷ

യുക്രൈൻ ആഭ്യന്തര മന്ത്രിയുടെ ഉപദേഷ്ടാവ് ആന്റൺ ഗെരാഷ്ചെങ്കോയാണ് കുട്ടിയുടെ കത്തിന്റെ പകർപ്പ് അദ്ദേഹത്തിന്റെ ട്വിറ്റർ വഴി പങ്കുവെച്ചത്. കുടുംബം സഞ്ചരിച്ച കാറിന് നേരെ നടന്ന റഷ്യൻ ആക്രമണത്തിലാണ് പെൺകുട്ടിയുടെ അമ്മ മരിച്ചതെന്നാണ് റിപ്പോർട്ടുകൾ.