റഷ്യന്‍ പ്രസിഡന്റ് വ്‌ളാഡിമിര്‍ പുടിന്റെ ആരോഗ്യത്തെ കുറിച്ചുള്ള ആശങ്കകള്‍ക്ക് വിരാമിട്ടുകൊണ്ട് ഞെട്ടിക്കുന്ന റിപ്പോര്‍ട്ട് പുറത്ത് പുടിന് ക്യാന്‍സറാണെന്ന് ഒരു റഷ്യന്‍ രഹസ്യാന്വേഷണ ഉദ്യോഗസ്ഥന്‍ അവകാശപ്പെട്ടതായിട്ടാണ് ഒരു അന്തരാഷ്ട്ര മാധ്യമം റിപ്പോര്‍ട്ട് ചെയ്തു. അദ്ദേഹത്തിന്റെ കണ്ണിന്റെ കാഴ്ച മങ്ങുന്നതായും മൂന്ന് വര്‍ഷത്തിനുള്ളില്‍ മരണം സംഭവിക്കുമെന്നുമാണ് റഷ്യന്‍ രഹസ്യാന്വേഷണ സംഘമായ ഫെഡറല്‍ സെക്യൂരിറ്റി സര്‍വീസ് ഓഫീസര്‍ പറഞ്ഞത്.

അതേസമയം മരണത്തിന് മുമ്പ് ലോകത്തെ മുഴുവന്‍ മുള്‍മുനയില്‍ നിര്‍ത്താനുള്ള പദ്ധതികളും അദ്ദേഹം തയ്യാറെടുക്കുന്നുണ്ട്.

69 കാരനായ പുടിന് എപ്പോഴും തലവേദന ഉണ്ടാകാറുണ്ടെന്നും ഇതിനകം തന്നെ അദ്ദേഹത്തിന്റെ കാഴ്ചശക്തി നഷ്ടപ്പെട്ടു എന്നും ഉദ്യോഗസ്ഥന്‍ ആരോപിക്കുന്നു. യുകെയില്‍ താമസിക്കുന്ന മുന്‍ റഷ്യന്‍ ചാരന്‍ ബോറിസ് കാര്‍പിച്‌കോവിനോട് പുടിന്റെ ആരോഗ്യനില അതിവേഗം വഷളാകുന്നതിനെക്കുറിച്ചുള്ള വിവരങ്ങള്‍ എഫ്എസ്ബി ഉദ്യോഗസ്ഥന്‍ വെളിപ്പെടുത്തിയതായിട്ടാണ് റിപ്പോര്‍ട്ട്.

മാത്രമല്ല പുടിന്‍ ഉദ്യോഗസ്ഥരോട് പലപ്പോഴും സഹായങ്ങള്‍ ആവശ്യപ്പെടാറുണ്ട് എന്നും ചാരന്‍ പറയുന്നുണ്ട്.

'പുടിന് തലവേദനയുണ്ടെന്ന് ഞങ്ങളോട് പറയാറുണ്ട്. ടിവിയില്‍ പ്രത്യക്ഷപ്പെടുമ്‌ബോള്‍ എന്താണ് പറയാന്‍ പോകുന്നതെന്ന് വായിക്കാന്‍ വളരെ വലിയ അക്ഷരങ്ങളില്‍ എഴുതിയ കടലാസ് ആവശ്യമാണ്,' റഷ്യന്‍ ഓഫീസര്‍ പറയുന്നു. 'അവ വളരെ വലുതാണ്, ഓരോ പേജിലും മിക്കവാറും രണ്ട് വാക്യങ്ങള്‍ മാത്രമേ ഉള്‍ക്കൊള്ളിക്കാന്‍ കഴിയൂ. അദ്ദേഹത്തിന്റെ കാഴ്ചശക്തി മോശമായിക്കൊണ്ടിരിക്കുകയാണ്, പുടിന്റെ കൈകാലുകള്‍ ഇപ്പോള്‍ അനിയന്ത്രിതമായി വിറയ്ക്കുകയാണെന്നും ചാരന്‍ വെളിപ്പെടുത്തുന്നു.

നേരത്തെയും പുടിന്റെ ആരോഗ്യനിലയെ കുറിച്ച് ചില ഊഹാപോഹങ്ങള്‍ ഉണ്ടായിരുന്നു. കൂടാതെ റഷ്യന്‍ ടെലിഗ്രാം ചാനലില്‍ ചില വെളിപ്പെടുത്തലുകളും നടത്തിയിരുന്നു.

അതായത് ഔദ്യോഗിക കാര്യനിര്‍വഹണത്തില്‍ പുടിന്‍ പങ്കെടുക്കുന്നില്ല. മറിച്ച് നേരത്തെ എഴുതിച്ചേര്‍ത്ത തിരക്കഥയുടെ അടിസ്ഥാനത്തിലുള്ള ചില നാടകങ്ങളാണ് അരങ്ങേറുന്നത്. അടുത്തിടെ പുടിന്‍ ടിവി പരിപാടികളില്‍ പ്രത്യക്ഷപ്പെട്ടിരുന്നു. എന്നാല്‍ യഥാര്‍ത്ഥത്തില്‍ പുടിന്‍ അവിടെ ഇല്ലായിരുന്നു. അദ്ദേഹത്തിന്റെ അസാന്നിദ്ധ്യം മറക്കാന്‍ മനപൂര്‍വ്വം കളികള്‍ നടത്തുകയാണ് ചെയ്തതെന്നാണ് അന്താരാഷ്ട്ര മാധ്യമങ്ങള്‍ വെളിപ്പെടുത്തുന്നത്.

ഇത് റഷ്യന്‍ പ്രസിഡണ്ടിന്റെ ആരോഗ്യ സ്ഥിതിയെ കുറിച്ചുള്ള ആശങ്ക വീണ്ടും വര്‍ദ്ധിപ്പിക്കുകയാണ്. ചില പഴയ ചിത്രീകരണങ്ങള്‍ ഉപയോഗിച്ചാണ് കഴിഞ്ഞയാഴ്ച്ചയിലെ ടി വി സംപ്രേഷണം നടത്തിയതെന്നും മാധ്യമങ്ങളില്‍ തുറന്നു കാണിക്കുന്നുണ്ട്.. 

മാത്രമല്ല പുടിന് പകരം ഭരണ കാര്യങ്ങള്‍ നോക്കി നടത്തുന്നത് നിക്കോളയ് പാട്രുഷേവ് ആണെന്ന് ചില ചാനലുകള്‍ പറയുന്നുണ്ട്. മുന്‍ എഫ്എസ്ബി തലവനും പുടിന്റെ ഏറ്റവും വിശ്വസ്തനായ അനുയായിയുമാണ് നിക്കോളയ് പാട്രുഷേവ്. സാധാരണയായി പുടിന്‍ നേരിട്ട് എത്താറുള്ള ഉന്നതതല സന്ദേശങ്ങള്‍ ഇപ്പോള്‍ സ്വീകരിക്കുന്നത് നിക്കോളയ് ആണെന്നും മാധ്യമങ്ങള്‍ പറയുന്നുണ്ട്. നേരത്തേ, പുടിന് കാന്‍സറാണെന്നുള്ള തരത്തില്‍ വാര്‍ത്തകള്‍ വന്നിരുന്നു. കൂടാതെ ശസ്ത്രക്രിയയ്ക്ക് വിധേയനാകുവാന്‍ പുടിനോട് ഡോക്ടര്‍മാര്‍ ആവശ്യപ്പെട്ടതായും റിപ്പോര്‍ട്ടുകള്‍ വന്നിരുന്നു.

അതിനിടയിലാണ് അദ്ദേഹത്തിന് ക്യാന്‍സറാണെന്നും മൂന്നുവര്‍ഷത്തിനുള്ളില്‍ മരണം സംഭവിക്കും എന്നുള്ള വാര്‍ത്തകളും പുറത്തുവന്നത്.

എന്നാല്‍ തന്റെ മരണം മുന്നില്‍ കണ്ടുകൊണ്ടാണോ എന്നറിയില്ല, പുടിന്‍ നിര്‍ണായകമായ മറ്റൊരു നീക്കം കൂടി നടത്തുമെന്നാണ് സൂചന. ലോകം ഭയന്നതുപോലെ പുടിന്‍ ആണവ ബട്ടണ്‍ അമര്‍ത്തുമോ എന്നാണ് എല്ലാവരും ഉറ്റുനോക്കുന്നത്. ഉടന്‍ തന്നെ റഷ്യ ആ കടുംകൈ ചെയ്യും എന്നാണ് ഇപ്പോള്‍ റഷ്യ തന്നെ പുറത്തു വിടുന്ന വാര്‍ത്ത.

ഇക്കഴിഞ്ഞ ഫെബ്രുവരിയില്‍ പുടിന്‍ ഉക്രെയ്‌നെതിരെ ആക്രമണം ആരംഭിച്ചതിന് തൊട്ടുപിന്നാലെ തന്റെ ആണവ സേനയോട് കരുതിയിരിക്കാന്‍ ആവശ്യപ്പെട്ടിരുന്നു. റഷ്യയുടെ ഭാഗത്തുനിന്നുള്ള മുന്നറിയിപ്പായാണ് ഇത് പരക്കെ കാണുന്നത്. കാരണം പല അവസരങ്ങളിലും ഉക്രെയിനിനെ പിന്തുണക്കുന്ന രാജ്യങ്ങളോട് ഒരല്‍പം അകലം പാലിക്കാന്‍ പുടിന്‍ ആവശ്യപ്പെട്ടിരുന്നു.

എന്നാല്‍ റഷ്യയെ ഉപരോധത്തിലാക്കി കൂടുതല്‍ രാജ്യങ്ങള്‍ ഉക്രൈനിനും സെലന്‍സ്‌കിക്കും പിന്തുണ പ്രഖ്യാപിച്ചത് റഷ്യയെ അക്ഷരാര്‍ത്ഥത്തില്‍ ചൊടിപ്പിച്ചിരുന്നു. അതുകൊണ്ട് തന്നെയാണ് പുടിന്റെ മുന്നറിയിപ്പിനെ ലോക രാജ്യങ്ങള്‍ ഭയക്കുന്നത്.