റഷ്യന്‍ ഉപപ്രധാനമന്ത്രി ഡെനിസ് മാന്റുറോവ് ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവലുമായി കൂടിക്കാഴ്ച നടത്തി...
റഷ്യന്‍ ഉപപ്രധാനമന്ത്രി ഡെനിസ് മാന്റുറോവ് ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവലുമായി കൂടിക്കാഴ്ച നടത്തി.
ഇരു രാജ്യങ്ങളും വ്യാപാര, സാമ്പത്തികം , ബഹിരാകാശ മേഖലയിലെ സഹകരണം എന്നി തന്ത്രപ്രധാനമായ വിഷയങ്ങളെ കുറിച്ച് ചര്‍ച്ച നടത്തി.
നിലവില്‍ ഈ മേഖലയില്‍ ഇന്ത്യയും റഷ്യയും പുലര്‍ത്തുന്ന രീതികള്‍ കൂടുതല്‍ ശക്തമാക്കുകയും മുന്‍വര്‍ഷങ്ങളേക്കാള്‍ സഹകരണത്തോടെ പ്രവര്‍ത്തിക്കാനും ധാരണയായി എന്ന് മാന്റുറോവ് അറിയിച്ചു. ഇരു രാജ്യങ്ങളുടെയും അതിര്‍ത്തികളിലുടനീളം ഉഭയ കക്ഷി സഹകരണം ശക്തിപ്പെടുത്തേണ്ടത് അത്യന്താപേക്ഷിതമാണ്.
അന്തര്‍ദേശീയ വിഷയങ്ങളിലും സുരക്ഷാമേഖലയിലും ഗൗരവമായ ചര്‍ച്ചകള്‍ നടത്തുകയും രാജ്യത്തിന്റെ കെട്ടുറപ്പ് ഊട്ടി ഉറപ്പിക്കുന്നതിന് വേണ്ട നടപടികള്‍ സ്വീകരിക്കാന്‍ തയ്യാറാണെന്നും മാന്റുറോവ് പറഞ്ഞു.
കൂടിക്കാഴ്ചകള്‍ക്കിടയില്‍ 75-മത് വാര്‍ഷികത്തോടനുബന്ധിച്ച് ഇന്ത്യയുമായി മികച്ച ബന്ധത്തിന് റഷ്യ തയ്യാറാണെന്നും വരും നാളുകളില്‍ കൂടുതല്‍ പങ്കാളിത്തത്തോടെ മുന്നോട്ട് കുതിക്കുവാന്‍ ഇരു രാജ്യങ്ങള്‍ക്കാകുമെന്നും അദ്ദേഹം കൂട്ടിച്ചേര്‍ക്കുകയുണ്ടായി.
https://www.facebook.com/Malayalivartha
