ഇന്ത്യന് രാഷ്ട്രീയത്തിലെ പ്രമുഖരിലൊരാളെ വധിക്കാന് പദ്ധതി, ഇസ്ലാമിക് സ്റ്റേറ്റ് ചാവേര് റഷ്യയില് അറസ്റ്റില്, പിടിയിലായത് ചാവേറാക്രമണത്തിനുള്ള പരിശീലനം കഴിഞ്ഞ് റഷ്യവഴി ഇന്ത്യയിലേക്ക് കടക്കാനുള്ള തയ്യാറെടുപ്പിനിടെ...!!
പ്രവാചകവിരുദ്ധ പരാമര്ശത്തിന്റെ പേരില് ഇന്ത്യന് രാഷ്ട്രീയത്തിലെ പ്രമുഖരിലൊരാളെ വധിക്കാന് പദ്ധതിയിട്ട ഇസ്ലാമിക് സ്റ്റേറ്റ് ചാവേര് അറസ്റ്റില്. റഷ്യയില് നിന്നാണ് ഇയാൾ അറസ്റ്റിലായത്. ചാവേറാക്രമണത്തിനുള്ള പരിശീലനം കഴിഞ്ഞ് റഷ്യവഴി ഇന്ത്യയിലേക്കുവരാന് തയ്യാറെടുക്കുന്നതിനിടെയാണ് പിടിയിലായത്.
ഐ.എസ്. തലവനോട് കൂറു പ്രഖ്യാപിക്കുന്നെന്ന് പ്രതിജ്ഞയെടുപ്പിച്ച ശേഷം കൃത്യനിര്വഹണത്തിനായി ഇന്ത്യയിലേക്ക് അയക്കുകയായിരുന്നു. പ്രവാചകവിരുദ്ധ പരാമര്ശത്തിന്റെ പേരില് ഇന്ത്യയുടെ ഭരണരംഗത്തെ ഒരംഗത്തെ വധിക്കാനായിരുന്നു യാത്രയെന്ന് ചോദ്യം ചെയ്യലില് ഇയാള് സമ്മതിച്ചതായി സി.പി.ആര്. പറഞ്ഞു. സി.പി.ആര്. പുറത്തുവിട്ട ചോദ്യംചെയ്യല് വീഡിയോയില് ഇക്കാര്യങ്ങള് ഇയാള് പറയുന്നുണ്ട്.
മധ്യേഷ്യന് രാജ്യങ്ങളിലൊന്നിലെ പൗരനാണ് അറസ്റ്റിലായതെന്ന് റഷ്യയുടെ രഹസ്യാന്വേഷണ ഏജന്സിയായ ഫെഡറല് സെക്യൂരിറ്റി സര്വീസ് പറഞ്ഞു. മറ്റു വിവരങ്ങള് പുറത്തുവിട്ടില്ല. തുര്ക്കിയില് കഴിയുമ്പോള് ഇക്കൊല്ലം ഏപ്രിലിനും ജൂണിനുമിടയിലാണ് ഇയാള് ഐ.എസില് ചേര്ന്നത്.
ടെലിഗ്രാം സന്ദേശങ്ങളും ഐ.എസ്. പ്രതിനിധികളുമായി തുര്ക്കി തലസ്ഥാനമായ ഈസ്താംബുളില് നടത്തിയ കൂടിക്കാഴ്ചകളുമാണ് ഇയാളെ ഭീകരപ്രവര്ത്തനത്തിലേക്ക് ആകര്ഷിച്ചതെന്ന് റഷ്യന് ഫെഡറല് സെക്യൂരിറ്റി സര്വീസസിന്റെ സെന്റര് ഫോര് പബ്ലിക് റിലേഷന്സ് പറഞ്ഞു.
https://www.facebook.com/Malayalivartha
