റഷ്യൻ പ്രസിഡന്റ് വ്ളാഡിമിർ പുടിനും ക്യൂബൻ പ്രസിഡന്റ് മിഗ്വൽ ഡയസ്-കാനലും നടത്തിയ കൂടിക്കാഴ്ചയിൽ നിന്നുള്ള ചിത്രങ്ങളാണ് ഇപ്പോൾ സമൂഹമാദ്ധ്യമങ്ങളിലെ ചർച്ചാവിഷയം. കൂടികാഴ്ചക്കിടയിൽ പുടിന്റെ കൈകൾ പർപ്പിൾ നിറമാകുന്നതായി ചിത്രങ്ങളിലും വീഡിയോയിലും കാണാം. പുടിന്റെ ആരോഗ്യ നില സംബന്ധിച്ചുള്ള അഭ്യൂഹങ്ങൾ ശക്തമാകുന്നതിനിടെയാണ് പുതിയ ചിത്രങ്ങളും വീഡിയോയും പുറത്തെത്തിയിരിക്കുന്നത്. ഉഭയകക്ഷി ചർച്ചയ്ക്കിടെ പുടിൻ കസേരയുടെ കൈയിൽ മുറുകെ പിടിക്കുന്നതും കണ്ടതായിയും റിപ്പോർട്ടുകൾ ഉണ്ട്.

സംസാരിച്ചിരിക്കുമ്പോൾ തന്നെ പുടിൻ അസ്വസ്ഥനായെന്നും, കാലുകൾ നിർത്താതെ അനക്കിക്കൊണ്ടിരുന്നെന്നും അന്താരാഷ്‌ട്ര മാദ്ധ്യമങ്ങൾ റിപ്പോർട്ട് ചെയ്യുന്നു. അദ്ദേഹം മൊത്തത്തിൽ ചുരുങ്ങിപ്പോയ രൂപമാണെന്നും റിപ്പോർട്ട് അവകാശപ്പെട്ടു.

ഈ മാസം ആദ്യം, പുടിന്റെ കൈകളിൽ വിചിത്രമായ അടയാളങ്ങളും കറുപ്പ് നിറവും കാണിക്കുന്ന ഫോട്ടോകൾ പുറത്ത് വന്നിരുന്നു. ഇത് വലിയ ചർച്ചകൾക്ക് ഇടയാക്കിയിരുന്നു. ഇത് ഇൻട്രാവണസ് (IV) ട്രാക്ക് മാർക്ക് ആണെന്ന് ഓൺലൈനിൽ പല ഉപയോക്താക്കളും അവകാശപ്പെട്ടു. ശരീരത്തിന്റെ മറ്റ് ഭാഗങ്ങളിൽ കുത്തിവയ്പ്പ് എടുക്കാൻ സാധിക്കാതെ വരുമ്പോൾ കൈകളിൽ കുത്തുന്നതിന്റെ പാടാണ് അത്തരത്തിൽ ദൃശ്യമാകുന്നതെന്നായിരുന്നു വിരമിച്ച ബ്രിട്ടീഷ് സൈനിക ഉദ്യോഗസ്ഥനും ഹൗസ് ഓഫ് ലോർഡ്സ് അംഗവുമായ റിച്ചാർഡ് ഡാനട്ട് സ്‌കൈ പറഞ്ഞത്.

ഏതാനും മാസങ്ങൾക്കുമുമ്പ്, ഒരു യുഎസ് ഇന്റലിജൻസ് റിപ്പോർട്ട് റഷ്യൻ പ്രസിഡന്റിന് "അർബുദത്തിന്റെ സങ്കീർണമായ അവസ്ഥയിലാണെന്നും" സൂചിപ്പിച്ചിരുന്നു. ഈ വർഷം മാർച്ചിൽ നടന്ന ഒരു വധശ്രമത്തിൽ നിന്ന് പുടിൻ രക്ഷപ്പെട്ടതായും ഈ റിപ്പോർട്ടിൽ പറയുന്നു. കഴിഞ്ഞ മാസം പുടിന് 70 വയസ്സ് തികഞ്ഞിരുന്നു.