ബിടിഎസ് അംഗങ്ങളുടെ നിർബന്ധിത സൈനിക സേവനം ആദ്യം തുടങ്ങുന്നത് ജിൻ; പുതിയ റിപ്പോർട്ടുകൾ അനുസരിച്ച് താരത്തിന്റെ പരിശീലനം അടുത്ത മാസം ആരംഭിക്കും! ജിന്നിന് പിന്നാലെ പ്രായം അനുസരിച്ച്, സുഗ, ജെ-ഹോപ്പ്, ആർഎം, ജിമിൻ, വി, ജങ്കൂക്ക് എന്നീ താരങ്ങളും സൈനിക സേവനം പൂർത്തിയാക്കും
ദക്ഷിണ കൊറിയയിലെ സംഗീത സംഘമായ ബിടിഎസ് അംഗങ്ങളുടെ നിർബന്ധിത സൈനിക സേവനത്തെ കുറിച്ചുള്ള വാർത്തകളാണ് എങ്ങും ഇപ്പോൾ പറക്കുന്നത്. ദക്ഷിണ കൊറിയയിലെ നിർബന്ധിത സൈനിക സേവനം പൂർത്തിയാക്കുമെന്ന് ബിടിഎസ് പ്രഖ്യാപിച്ചതോടെ താരങ്ങളുടെ സേവനം എന്ന് മുതലായിരിക്കും എന്നറിയാനുള്ള ആകാംക്ഷയിലാണ് ലോകമെമ്പാടുമുള്ള ആർമി എന്ന് വിളിക്കുന്ന ആരാധകർ.
അതേസമയം ബിടിഎസ് സംഘത്തിലെ ഏറ്റവും പ്രായം കൂടിയ ഗായകൻ ജിൻ ആണ് സൈനിക സേവനത്തിന് ആദ്യം പോകുന്നത്. പുതിയ റിപ്പോർട്ടുകൾ അനുസരിച്ച് താരത്തിന്റെ പരിശീലനം അടുത്ത മാസം ആരംഭിക്കുകയും ചെയ്യും. ഈ വർഷം അവസാനിക്കുന്നതിന് മുമ്പ് തന്നെ ഇതിനായുള്ള നടപടി ക്രമങ്ങൾ തുടങ്ങുമെന്നാണ് റിപ്പോർട്ടുകൾ ചൂണ്ടിക്കാണിക്കുന്നത്.
കൂടാതെ ദക്ഷിണ കൊറിയൻ വാർത്താ ഏജൻസിയായ യോൻഹാപ് റിപ്പോർട്ട് അനുസരിച്ച് ഇൻജിയോണിലെ പരിശീല കേന്ദ്രത്തിൽ ഡിസംബർ 13ന് ജിൻ തന്റെ പരിശീലനം ആരംഭിക്കുന്നതാണ്. സൈന്യത്തിലെ മുന്നണിയിലേക്ക് നിയോഗിക്കുന്നതിന് മുമ്പ് അഞ്ച് ആഴ്ച്ചത്തെ പരിശീലനം പൂർത്തിയാക്കേണ്ടതുമുണ്ട്. ഇതിനു ശേഷം 18 മാസമാണ് നിർബന്ധിത സൈനിക സേവനം നൽകിയിട്ടുള്ളത്.
അതേസമയം വാർത്തകൾ ശരിയാണെങ്കിൽ അടുത്ത മാസം 13 ന് പോകുന്ന ജിൻ എന്ന് തിരിച്ചുവരും എന്നതടക്കമുള്ള കാര്യങ്ങൾ ആർമി ഇതിനകം കണക്കുകൂട്ടി കഴിഞ്ഞിട്ടുണ്ട്. 2024 ജൂൺ 13 നായിരിക്കും ജിൻ മടങ്ങിയെത്തുക എന്നാണ് ആർമി എന്ന് വിളിക്കുന്ന ആരാധകരുടെ കണക്കുകൂട്ടൽ എന്നത്.
പുറത്ത് വരുന്ന റിപ്പോർട്ടുകൾ ശരിയാണെങ്കിൽ മുപ്പതാം പിറന്നാൾ കഴിഞ്ഞ് പത്ത് ദിവസം കഴിയുമ്പോഴായിരിക്കും ജിൻ തന്റെ സൈനിക സേവനത്തിന് പോകുക എന്നാണ് അറിയാൻ കഴിയുന്നത്. ദക്ഷിണ കൊറിയയിലെ തന്നെ നിയമം അനുസരിച്ച്, 18 നും 28 വയസ്സിനും ഇടയിൽ ആൺകുട്ടികൾ നിർബന്ധിത സൈനിക സേവനം അനുഷ്ഠിക്കേണ്ടത്. ബിടിഎസ്സിന് മാത്രമാണ് ഇക്കാലത്തിനിടയിൽ ഇത്രയും ഇളവ് ലഭിച്ചത്. 30 വയസ്സിന് മുമ്പ് താരങ്ങൾ എപ്പോഴെങ്കിലും സൈനിക സേവനം നടത്തിയാൽ മതിയെന്നായിരുന്നു ഇളവ് നൽകിയത്.
ആയതിനാൽ തന്നെ ജിന്നിന് പിന്നാലെ പ്രായം അനുസരിച്ച്, സുഗ, ജെ-ഹോപ്പ്, ആർഎം, ജിമിൻ, വി, ജങ്കൂക്ക് എന്നീ താരങ്ങളും സൈനിക സേവനം പൂർത്തിയാക്കുന്നതാണ്. ഏഴ് അംഗങ്ങൾ ഉൾപ്പെടുന്ന ബിടിഎസിലെ മുഴുവൻ താരങ്ങളും സൈനിക സേവനം പൂർത്തിയാക്കി 2025 ഓടെ തിരിച്ചു വരുമെന്നും റിപ്പോർട്ടുകൾ വ്യക്തമാക്കുന്നു.
https://www.facebook.com/Malayalivartha