ഭാര്യയെ റോഡ് ട്രിപ്പിനിടെ മറന്ന് വാഹനവുമായി പോയി ഭർത്താവ്. കാട്ടുപാതയിലൂടെ വീട്ടിലേയ്ക്ക് പോകാൻ യുവതി നടന്നത് 20 കിലോമീറ്റർ. 55 കാരനായ ബൂണ്ടാം ചൈമൂണും ഭാര്യ ആംനു ചൈമൂണും മഹാ സരാഖം പ്രവിശ്യയിലെ അവരുടെ ജന്മനാട്ടിൽ അവധിക്കാലം ആഘോഷിക്കാൻ പോയതായിരുന്നു. എന്നാൽ പുലർച്ചെ മൂന്ന് മണിയോടെ ടോയ്‌ലറ്റ് ബ്രേക്കിനായി ബൂൺ തന്റെ കാർ റോഡരികിൽ പാർക്ക് ചെയ്തു. എന്നാൽ പരിസരത്തെങ്ങും പൊതു ശൗചാലയങ്ങൾ ഇല്ലാത്തതിനാൽ ഭാര്യ കാറിൽ നിന്നിറങ്ങി സമീപത്തെ കാട്ടിലേക്ക് പോയി.

എന്നാൽ കാറിൽ നിന്നിറങ്ങിയ കാര്യം മറന്ന ഭർത്താവ് ബൂൺ സ്ഥലംവിടുകയായിരുന്നു. ഭർത്താവ് തന്നെ തനിച്ചാക്കി പോയി എന്ന് അറിഞ്ഞ യുവതി തന്റെ ഫോണും പേഴ്‌സുമുള്‍പ്പെടെയുള്ള വസ്തുക്കള്‍ വണ്ടിയ്ക്കുള്ളിലാണെന്ന് തിരിച്ചറിഞ്ഞത് അപ്പോഴായിരുന്നു. മറ്റ് വഴിയില്ലാത്തതിനാല്‍ ഇരുട്ടില്‍ ജനവാസ കേന്ദ്രം തേടി നടന്നുതുടങ്ങാന്‍ തന്നെ 50 വയസുകാരിയായ അമ്യുവായ് തീരുമാനിച്ചു. രണ്ട് മണിക്കൂറുകള്‍ കൊണ്ട് 20 കിലോമീറ്ററുകളോളം അമ്യുവായ് അലഞ്ഞു. ശേഷം രാവിലെ 5 മണിക്ക് കബിൻ ബുരി ഏരിയയിൽ എത്തി. അവിടെ ഹാജരായ ലോക്കൽ പോലീസിനോട് കാര്യം പറഞ്ഞു.

ഭർത്താവിന്റെ ഫോൺ നമ്പർ ഓർമയില്ലാത്തതിനാൽ 20 തവണ യുവതിയുടെ മൊബൈലിലേയ്ക്ക് വിളിച്ചെങ്കിലും പ്രതികരണം ലഭിച്ചില്ല. ഒടുവിൽ രാവിലെ 8 മണിയോടെ പോലീസിന്റെ സഹായത്തോടെ ഭർത്താവുമായി ബന്ധപ്പെടാൻ സാധിച്ചു. ഇതിനിടെയാണ് ഭാര്യ കാറിൽ ഇല്ലെന്ന കാര്യം ഭർത്താവും ശ്രദ്ധിച്ചത്.

യുവതി അതുവരെ പിൻസീറ്റിൽ ഉറക്കമായിരുന്നെന്നാണ് അയാൾ കരുതിയത്. അപ്പോഴേയ്ക്കും 150 കിലോമീറ്റർ അകലെയുള്ള കൊറാട്ട് പ്രവിശ്യയിൽ 55കാരൻ എത്തിക്കഴിഞ്ഞിരുന്നു. പിന്നീട് ഈ ദൂരമത്രയും തിരിച്ച് വന്ന് ബൂന്റെ പൊലീസ് സ്റ്റേഷനിലെത്തി ഭാര്യയെ ഒപ്പം കൊണ്ടുപോകുകയായിരുന്നു.