ആദ്യ ഗോൾഡൻ ഗ്ലോബ് അവാർഡ് ഇന്ത്യൻ ചിത്രമായി ആര്.ആര്.ആര്; നാട്ടു നാട്ടു എന്ന ഗാനത്തിന് ലഭിച്ചത് ഗോള്ഡന് ഗ്ലോബ് പുരസ്കാരം
ഗോൾഡൻ ഗ്ലോബ് അവാർഡ് നേടുന്ന ആദ്യ ഇന്ത്യൻ ചിത്രമായി എസ്.എസ് രാജമൗലി സംവിധാനം ചെയ്ത തെലുങ്ക് ചിത്രം ആര്.ആര്.ആര്.മികച്ച ഒറിജിനല് സോങ് വിഭാഗത്തില് ഗോള്ഡന് ഗ്ലോബ് പുരസ്കാരമാണ് ചിത്രത്തിലെ നാട്ടു നാട്ടു എന്ന ഗാനത്തിന് ലഭിച്ചത്. ബുധനാഴ്ച ലോസ് ആന്ജലിസിലെ ബെവേര്ലി ഹില്ട്ടണ് ഹോട്ടലില് നടന്ന ചടങ്ങിലാണ് പുരസ്കാര പ്രഖ്യാപനമുണ്ടായത്.
ചിത്രത്തിന്റെ സംഗീത സംവിധായകൻ എം.എം കീരവാണിയാണ് നാട്ടു നാട്ടു എന്ന ഗാനത്തിന് സംഗീതം നല്കിയത്. കാലഭൈരവ, രാഹുല് സിപ്ലിഗുഞ്ജ് എന്നിവര് ചേര്ന്നാണ് ഗാനം ആലപിച്ചത്. ഇംഗ്ലീഷ് ഇതര ഭാഷാ ചിത്രങ്ങളുടെ വിഭാഗത്തിലും മികച്ച ഒറിജിനല് സോങ് വിഭാഗത്തിലുമാണ് ആര്ആര്ആര് നോമിനേഷന് നേടിയിരുന്നത്.
കീരവാണി വേദിയിൽ വെച്ച് പുരസ്കാരം ഏറ്റുവാങ്ങി. രാജമൗലി, പ്രധാന അഭിനേതാക്കളായ ജൂനിയർ എൻടിആർ, രാം ചരൺ എന്നിവരുൾപ്പെടെ മുഴുവൻ അഭിനേതാക്കളോടും അണിയറപ്രവർത്തകർക്കും അദ്ദേഹം നന്ദി പറഞ്ഞു. തുടക്കത്തിൽ, സ്വയം നന്ദി പറയണമെന്ന് കരുതിയിരുന്നെങ്കിലും, വിജയത്തിന് മുഴുവൻ ടീമിനും ഉത്തരവാദിയായതിനാൽ, അത് ചെയ്യാൻ തനിക്ക് കഴിഞ്ഞില്ല. മാത്രമല്ല, കീരവാണി പ്രസംഗിക്കുമ്പോൾ ആർആർആറിന്റെ മുഴുവൻ ടീമും സദസ്സിൽ എഴുന്നേറ്റു നിൽക്കുകയായിരുന്നു.
ആന്ധ്രയുടെ ചരിത്രത്തിലെ രണ്ട് സ്വാതന്ത്ര്യസമര സേനാനികളായ അല്ലൂരി സീതാരാമരാജു, കൊമരം ഭീം എന്നിവരുടെ കഥയാണ് ഫാന്റസിയുടെ അകമ്പടിയില് രാജമൗലി അവതരിപ്പിച്ചത്. രാമരാജുവായി രാംചരണ് തേജയും ഭീം ആയി ജൂനിയര് എന്.ടി.ആറുമാണ് എത്തിയത്. ആലിയാ ഭട്ട്, ശ്രീയാ ശരണ്, സമുദ്രക്കനി, ഒലിവിയാ മോറിസ്, റേ സ്റ്റീവന്സണ് എന്നിവരാണ് മറ്റുവേഷങ്ങളിലെത്തിയത്.
https://www.facebook.com/Malayalivartha
