ഇന്ത്യയിലും അയല്‍രാജ്യങ്ങളിലും അനുഭവപ്പെട്ട ശക്തമായ ഭൂചലനത്തില്‍ ഒന്‍പത് പേര്‍ മരിച്ചു. അഫ്ഗാനിസ്ഥാനിലും പാക്കിസ്ഥാനിലുമായാണ് മരണങ്ങള്‍ റിപ്പോര്‍ട്ട് ചെയ്തത്. മുന്നൂറോളം പേര്‍ക്ക് പരിക്കേറ്റു.

ഭൂചലനത്തിന്റെ പ്രഭവകേന്ദ്രം അഫ്ഗാനിസ്ഥാന്‍-തജികിസ്ഥാന്‍ അതിര്‍ത്തിയിലാണ് . അതേസമയം, ഡല്‍ഹിയിലും അയല്‍സംസ്ഥാനങ്ങളിലും ഭൂചലനമുണ്ടായി. ജമ്മുകാഷ്മീര്‍, ഉത്തര്‍പ്രദേശ്, പഞ്ചാബ്, ഹരിയാന എന്നിവിടങ്ങളിലും ഭൂചലനം സംഭവിച്ചു.

ഏതാനും സെക്കന്‍ഡുകള്‍ മാത്രം നീണ്ടുനിന്ന ഭൂകമ്പത്തെത്തുടര്‍ന്ന് പരിഭ്രാന്തരായ ജനങ്ങള്‍ വീടുകളില്‍ നിന്ന് ഇറങ്ങിയോടി. പാക്കിസ്ഥാന്‍, ചൈന, കസഖ്സ്ഥാന്‍, കിര്‍ഗിസ്ഥാന്‍ എന്നിവിടങ്ങളിലും ഭൂചലനം അനുഭവപ്പെട്ടു.