സുഡാനിലെ ആഭ്യന്തര യുദ്ധത്തില് ആലക്കോട് സ്വദേശി വെടിയേറ്റ് മരിച്ചു.... ഇന്ത്യയില് നിന്ന് അടിയന്തര സഹായം അഭ്യര്ത്ഥിച്ച് സുഡാനില് ആഭ്യന്തര കലാപത്തിനിടെ കൊല്ലപ്പെട്ട മലയാളി ആല്ബര്ട്ട് അഗസ്റ്റിന്റെ ഭാര്യ
സുഡാന്ലെ ആഭ്യന്തര യുദ്ധത്തില് ആലക്കോട് നെല്ലിപ്പാറ കാക്കടവ് സ്വദേശി കൊല്ലപ്പെട്ടു. കാക്കടവ് ആലവേലില് അഗസ്റ്റിന്-മേഴ്സി ദമ്പതികളുടെ മകന് വിമുക്ത ഭടനായ ആല്ബര്ട്ട്(48) ആണ് വെടിയേറ്റ് മരിച്ചത്.
കഴിഞ്ഞ ആറു മാസമായി ദാല് ഗ്രൂപ്പ് ഓഫ് കമ്പനിയില് സെക്യൂരിറ്റി മാനേജരായി ജോലി ചെയ്തു വരികയായിരുന്നു. ശനിയാഴ്ച രാത്രി കാനഡയിലുള്ള മകന് ഓസ്റ്റിനോട് ഫോണില് സംസാരിക്കുന്നതിനിടെ താമസിക്കുന്ന കെട്ടിടത്തിനു താഴെ എത്തി തോക്കുധാരികള് വെടിയുതിര്ക്കുകയായിരുന്നു.
ആക്രമണ സമയത്ത് ഭാര്യ സൈബലിയും ഇളയമകള് മരീറ്റയും സംഭവ സ്ഥലത്തുണ്ടായിരുന്നു. ആല്ബര്ട്ടിനൊപ്പം അവധി ആഘോഷിക്കാന് രണ്ടാഴ്ച മുമ്പാണ് സുഡാനിലെത്തിയത്.
അതേസമയം ഇന്ത്യയില് നിന്ന് അടിയന്തര സഹായം അഭ്യര്ത്ഥിച്ച് സുഡാനില് ആഭ്യന്തര കലാപത്തിനിടെ കൊല്ലപ്പെട്ട മലയാളി ആല്ബര്ട്ട് അഗസ്റ്റിന്റെ ഭാര്യ.
'24 മണിക്കൂര് കഴിഞ്ഞിട്ടും ഫ്ലാറ്റില് നിന്ന് മൃതദേഹം മാറ്റാന് കഴിഞ്ഞിട്ടില്ല മകളുമായി ഫ്ലാറ്റിന്റെ ബേസ്മെന്റില് ഭയന്നു കഴിയുകയാണ്. ആല് ്ബര്ട്ടിന്റെ സുഹൃത്തിന്റെ റൂമിലാണ് രാത്രിയില് തങ്ങിയത്. എന്നാല് അവിടെ സുരക്ഷിതമല്ലാത്തതിനാല് അവിടെനിന്ന് മാറി ഫ്ലാറ്റിന്റെ ബേസ്മെന്റിലാണ് ഇപ്പോള് കഴിയുന്നത്. വെള്ളം മാത്രമാണ് കുടിച്ച് ഇരിക്കുകയാണ്. എന്തെങ്കിലും സഹായം ചെയ്യാന് പറ്റുമെങ്കില് സഹായിക്കണം' - ആല്ബര്ട്ടിന്റെ ഭാര്യ സൈബല്ല അഭ്യര്ത്ഥിച്ചു.
അതേസമയം, ആല്ബര്ട്ട് അഗസ്റ്റിന്റെ കുടുംബത്തിന് വേണ്ട സഹായങ്ങള് ഉറപ്പാക്കുമെന്ന് കേന്ദ്ര വിദേശകാര്യ സഹമന്ത്രി വി മുരളീധരന് പറഞ്ഞു. മൃതദേഹം നാട്ടില് എത്തിക്കാന് ഉള്ള നടപടികള് പുരോഗമിക്കുകയാണ്. ആല്ബര്ട്ടിന്റെ പിതാവുമായി ഫോണില് സംസാരിച്ചു. സുഡാനിലുള്ള ആല്ബര്ട്ടിന്റെ കുടുംബം സുരക്ഷിതരാണെന്ന് അറിയിച്ചു എന്നാണ് മന്ത്രി പറയുന്നത്. തുടര്നടപടികള് ഏകോപിപ്പിക്കാന് സുഡാനിലെ ഇന്ത്യന് എംബസിക്ക് നിര്ദേശം നല്കിയതായി കേന്ദ്രമന്ത്രി .
ഏറ്റുമുട്ടല് തുടരുന്ന പശ്ചാത്തലത്തില് ഇന്ത്യക്കാരോട് വീടിനുള്ളില് തന്നെ തുടരാന് ഇന്ത്യന് എംബസി ആവശ്യപ്പെട്ടിട്ടുണ്ട്. തുടര്ക്രമീകരണങ്ങള്ക്കായി അഗസ്റ്റിന്റെ കുടുംബവുമായി ബന്ധപ്പെട്ടിട്ടുണ്ടെന്ന് എംബസി .
https://www.facebook.com/Malayalivartha
