ഗാസയുടെ അതിർത്തി മേഖലകളിലായി നിരവധി തുരങ്കങ്ങൾ ഉണ്ടെന്ന വിവരം നേരത്തെ പുറത്ത് വന്ന വിവരമാണ്. ഇപ്പോൾ ഇതാ, ഭൂഗർഭ തുരങ്കങ്ങളുടെ ഉദ്ദേശം എന്താണ് എന്ന വെളിപ്പെടുത്തലുമായി ഹമാസ് നേതാവ് രംഗത്ത് വന്നിരിക്കുകയാണ്. തങ്ങൾ നിർമ്മിച്ചിരിക്കുന്ന ടണലുകൾ ഹമാസിന്റെ പോരാളികൾക്ക് വേണ്ടിയുള്ളതാണെന്നും സാധാരണക്കാരായ ആളുകൾക്ക് ഉപയോഗിക്കാനുള്ളതല്ലെന്നും ഹമാസ് നേതാവ് മൂസ അബു മർസൂഖ് വ്യക്തമാക്കി .

ഒരു അന്താരാഷ്‌ട്ര മാദ്ധ്യമത്തിന് നൽകിയ ഇന്റർവ്യൂവിലാണ് ഈ കാര്യമാറിയിച്ചിരിക്കുന്നത്. സാധാരണക്കാരെ സംരക്ഷിക്കാനുള്ള ഉത്തരവാദിത്തം യു എന്നും ഇസ്രായേലിനുമാണ് ഉള്ളതെന്നും ഹമാസിന്റേ ഉത്തരവാദിത്തം അല്ലെന്നും ഹമാസ് നേതാവ് പറഞ്ഞു.

ശത്രുക്കൾ ആക്രമിക്കാതെ ഇരിക്കുക , അവരിൽ നിന്ന് രക്ഷനേടുക എന്നീ ലക്ഷ്യത്തോടെയാണ് ടണലുകൾ ഉണ്ടാക്കിയിരിക്കുന്നത്. വ്യോമാക്രമണങ്ങളിൽ നിന്ന് രക്ഷ നേടാൻ ഭൂമിക്കടിയിലുള്ള ഈ ടണലുകൾ സഹായിക്കുന്നുണ്ട്.സംരക്ഷണകവചമാണ് അവയെന്നും ഈ ടണലുകൾക്കുള്ളിലിരുന്ന് പോരാടുക എന്നതാണ് പോരാളികൾ ചെയ്യുന്നതെന്നും അദ്ദേഹം വ്യക്തമാക്കി.