യുകെയിൽ സിയാറാന്‍' കൊടുങ്കാറ്റ് വരുന്നതായി മുന്നറിയിപ്പ്. കഴിഞ്ഞ ആഴ്ച അരങ്ങേറിയ ശക്തമായ മഴയും, ഇടിമിന്നലും അവസാനിക്കുന്നതിന് മുന്‍പാണ് യുകെ തീരത്തേക്ക് അടുത്ത കൊടുങ്കാറ്റ് എത്തുന്നത്. ഇന്ന് വൈകുന്നേരം മുതല്‍ മഴയും ഇടിമിന്നലും വ്യാപകമാകുമെന്നാണ് പ്രതീക്ഷിക്കുന്നത്. വരുന്ന ആഴ്ചയില്‍ കാലാവസ്ഥ വീണ്ടും മോശമാക്കി സിയാറാന്‍ കൊടുങ്കാറ്റ് വീശുമെന്നാണ് എക്‌സീറ്റർ ആസ്ഥാനമായുള്ള യുകെ മെറ്റ് ഓഫീസ് വെളിപ്പെടുത്തി.

സതേണ്‍, വെസ്റ്റേണ്‍ മേഖലകളില്‍ 20 മുതല്‍ 25 എംഎം വരെ വ്യാപകമായ മഴയാണ് മെറ്റ് ഓഫിസ് പ്രവചിക്കുന്നത്. ഇതോടെ ഇംഗ്ലണ്ടിലും, വെയില്‍സിലും ശക്തമായ കാറ്റിന് പുറമെ കനത്ത മഴയും പെയ്യും. സതേണ്‍ ഇംഗ്ലണ്ട്, സൗത്ത് വെസ്റ്റ് വെയില്‍സ്, നോര്‍ത്തേണ്‍ അയര്‍ലൻഡ്, സെന്‍ഡ്രല്‍, നോര്‍ത്ത് ഈസ്റ്റ് സ്‌കോട്ട്ലൻഡ് എന്നിവിടങ്ങളിൽ യെല്ലോ അലേർട്ട് മുന്നറിയിപ്പും നല്‍കി.

സതേണ്‍, വെസ്റ്റേണ്‍ മേഖലകളില്‍ 40 മുതല്‍ 60 എംഎം വരെ അതിശക്തമായ മഴയ്ക്കും സാധ്യതയുണ്ട്. യെല്ലോ അലർട്ട് നിര്‍ദ്ദേശം നിലവിലുള്ളതിനാല്‍ ചെറിയ തോതില്‍ വെള്ളപ്പൊക്കിന് സാധ്യതയുണ്ട്. കാലാവസ്ഥ മോശമാകുന്നതിനാലാണ് എന്‍വയോണ്‍മെന്റ് ഏജന്‍സി പുറപ്പെടുവിച്ചിരിക്കുന്നത്. തീരമേഖലയില്‍ യാത്ര ചെയ്യുമ്പോള്‍ അതീവ ജാഗ്രത പുലര്‍ത്താനും ആവശ്യപ്പെട്ടിട്ടുണ്ട്. വെള്ളം കെട്ടിനില്‍ക്കുന്നത് കണ്ടാല്‍ ഇതിലൂടെ ഡ്രൈവ് ചെയ്യുന്നത് ഒഴിവാക്കണം.