വിമാനം ഉയർന്ന് പൊങ്ങുന്നതിനുള്ള അവസാനവട്ട തയ്യാറെടുപ്പുകൾ നടത്തുന്നതിനിടെ അത് സംഭവിച്ചത്. വിമാനം റൺവേയിലേക്ക് നീങ്ങുന്നു. അപ്പോഴാണ് ഒരു യുവതി നിലവിളി യാത്രക്കാരും ജീവനക്കാരും കേൾക്കുന്നത്. എന്താണ് സംഭവിച്ചത് എന്ന് അറിയാനായി നോക്കുമ്പോൾ വേദനകൊണ്ട് പുളയുന്ന യുവതിയെയാണ് കാണാൻ സാധിച്ചത്. മറ്റ് ആരോഗ്യ പ്രശ്നങ്ങൾ കൊണ്ടുമല്ല യുവതി ഇത്തരത്തിൽ പെരുമാറിയത്. പൂർണ ഗർഭിണിയായ ഇവർ പ്രസവവേദന ഉണ്ടാവുകയായിരുന്നു.

തുർക്കി, ഇസ്താംബൂളിലെ സബിഹ ഗോക്കെൻ അന്താരാഷ്ട്ര വിമാനത്താവളത്തിലായിരുന്നു സംഭവം. പെഗസ്സസ് എയർലൈനിന്റെ വിമാനം ഉയർന്ന് പൊങ്ങുന്നതിനുള്ള അവസാനവട്ട തയ്യാറെടുപ്പുകൾ നടത്തുന്നതിനിടെ എന്തുചെയ്യണമെന്ന് അറിയാതെ സഹയാത്രക്കാർ അക്ഷരാർത്ഥത്തിൽ ഞെട്ടിപ്പോയ സംഭവമായിരുന്നു ഇത്. ഇസ്താംബൂളിൽ നിന്നും ഫ്രാൻസിലെ മാഴ്സെല്ലിലേക്കുള്ള വിമാനമായിരുന്നു അത്.

ഗർഭിണിയുടെ പ്രസവവേദന വർദ്ധിക്കുകയും വിമാന ജീവനക്കാർ പ്രാഥമിക ശുശ്രൂഷ നൽകുകയും ചെയ്തതായി പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.എന്നാൽ മിനിറ്റികൾക്കകം പ്രസവ വേദനയെടുത്ത യുവതിയെ ശുശ്രൂഷിക്കുവാനായി പാരാമെഡിക്സ് വിമാനത്തിലേക്ക് കയറുന്നതും എന്താണ് സംഭവിക്കുന്നതെന്ന് അറിയാൻ യാത്രക്കാർ എത്തിനോക്കുന്നതും ഒരു വീഡിയോയിൽ കാണാം .

എന്നാൽ വിമാനാത്തിലെ പാരാമെഡിക്സിന്റെ സഹായത്തോടെ യുവതി കുഞ്ഞിന് ജന്മം നൽകുകയായിരുന്നു. പ്ലെയിനിനകത്ത് വെച്ച് എടുത്ത ഒരു ചിത്രത്തിൽ ഒരു പാരാമെഡിക് നവജാത ശിശുവിനെയും എടുത്തുകൊണ്ട് പ്ലെയിനിനകത്തു നിന്നും പുറത്തേക്ക് അതിവേഗം നടക്കുന്ന ദൃശ്യമുണ്ട്. കുഞ്ഞ് കരയുന്ന ശബ്ദമൊന്നും പക്ഷെ കേൾക്കുന്നില്ല. കുഞ്ഞിനെ പിന്നീട് ആംബുലൻസിൽ കൂടുതൽ ശുശ്രൂഷകൾക്കായി ഹോസ്പിറ്റലിലേക്ക് മാറ്റിയെന്നാണ് റിപ്പോർട്ടുകൾ.