കുവൈത്തിനെ വിറപ്പിച്ച് ഭൂചലനം. രാജ്യത്തിന്റെ വടക്കൻ മേഖലയിൽ ഇന്നലെ വൈകിട്ടോടെയാണ് ഭൂചലനം ഉണ്ടായത്. 3.5 തീവ്രത രേഖപ്പെടുത്തിയതായി കുവൈത്ത് നാഷണൽ സൈസ്മിക് നെറ്റ്‌വർക്ക് അറിയിച്ചു.ആറ് കിലോമീറ്റർ ആഴത്തിലാണ് ഭൂചലനമുണ്ടായത്. രണ്ട് മണിക്കൂറിനുശേഷം 2.2 തീവ്രത രേഖപ്പെടുത്തിയ തുടർചലനവും ഉണ്ടായതായി കുവൈത്ത് ന്യൂസ് ഏജൻസി അറിയിച്ചു. ഭൂചലനത്തിൽ അപകടമോ നാശനഷ്ടങ്ങളോ ഉണ്ടായതായി റിപ്പോർട്ട് ചെയ്തിട്ടില്ല.Kuwait National Seismic Network ൻ്റെ ഭാഗമായ Kuwait Institute for Scientific Research (KISR) ൻ്റെ ഭൂചലന മാപിനികളിൽ ചലനം രേഖപ്പെടുത്തി.

വൈകിട്ട് ആറരയോടെയാണ് തുടർചലനവും ഉണ്ടായത്.ആദ്യ ഭൂചലനം വൈകിട്ട് 4. 46 നാണ് റിപ്പോർട്ട് ചെയ്തത്. ഭൗമോപരിതലത്തിൽ നിന്ന് 6 കിലോമീറ്റർ താഴ്ചയിൽ ആയിരുന്നു ഇത്. തുടർന്ന് വൈകിട്ട് 6.33 നാണ് രണ്ടാമത്തെ ഭൂചലനമുണ്ടായത്. ഇതിന് 2.2 തീവ്രത രേഖപ്പെടുത്തി.പ്രദേശത്ത് നിരീക്ഷണം തുടരുമെന്നും ജാഗ്രത വേണമെന്നും അധികൃതർ നിർദ്ദേശിച്ചു. എന്നാൽ ഭയപ്പെടേണ്ട സാഹചര്യം നിലവിലില്ല.കഴിഞ്ഞ കുറച്ചു ദിവസം മുൻപ് ഒമാൻ കടലിൽ റിക്ടർ സ്‌കെയിലിൽ 3.0 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായി യുഎഇ നാഷനൽ സെന്‍റർ ഓഫ് മെറ്റീരിയോളജി സ്‌റ്റേഷനുകൾ റിപ്പോർട്ട് ചെയ്തു.

യുഎഇ സമയം ഉച്ചയ്ക്ക് 12.14 ന് യുഎഇ–ഒമാൻ അതിർത്തിപ്രദേശമായ ദിബ്ബ തീരത്താണ് ഭൂചലനം രേഖപ്പെടുത്തിയത്.അഞ്ച് കിലോമീറ്റർ ചുറ്റളവിലുള്ള പ്രദേശവാസികൾക്ക് ഭൂചലനത്തിന്‍റെ പ്രകമ്പനം അനുഭവപ്പെട്ടതായി റിപ്പോർട്ടുണ്ട്. എന്നാൽ യുഎഇയിൽ യാതൊരു നാശനഷ്ടവും ഉണ്ടായിട്ടില്ലെന്ന്  സ്ഥിരീകരിച്ചു.