യുദ്ധങ്ങൾ സംഭവിക്കുമ്പോൾ അതിനു മുൻപേ തന്നെ അതിനെ കുറിച്ച് വന്നിട്ടുള്ള പ്രവചനങ്ങൾ എല്ലാം ചർച്ചയാകാറുണ്ട്. അതിനു വലിയ പ്രാധാന്യം ലഭിക്കാറുണ്ട് . ഇപ്പോഴും യുദ്ധം എന്നവസാനിക്കും എന്നുള്ള ചോദ്യം ബാക്കിയാക്കി കൊണ്ട് തുടരുകയാണ്. പത്ത് മാസങ്ങളോളമായി തുടരുന്ന ഗാസ യുദ്ധം അവസാനിപ്പിക്കാനും ഇരു രാജ്യങ്ങളും ബന്ധികളാക്കി വച്ചിരിക്കുന്നവരെ മോചിപ്പിക്കാനും അന്താരാഷ്ട്ര സമൂഹം നടത്തുന്ന ശ്രമങ്ങൾ തുടരുകയാണ്. ഇറാന്റെ ആക്രമണം മേഖലയെ വലിയൊരു യുദ്ധത്തിലേക്ക് തള്ളിവിടാതിരിക്കാനുള്ള ശ്രമങ്ങളും നടക്കുന്നുണ്ട്.ഈ സാഹചര്യത്തിൽ പ്രശസ്ത ഇന്ത്യൻ ജ്യോതിഷി കുശാൽ കുമാർ.

എന്ത് പറയുന്നു എന്ന് ഉറ്റു നോക്കുന്ന ചിലർ ഇന്ത്യയിൽ ഉണ്ട് ഇസ്രായേൽ-ഹമാസ് യുദ്ധവും റഷ്യ-യുക്രെയ്ൻ യുദ്ധവും മുമ്പ് പ്രവചിച്ചയാളാണ് കുശാൽ കുമാർ. നിലവിലെ ആഗോള രാഷ്ട്രീയ സംഭവങ്ങൾ വിനാശകരമായ സംഘർഷത്തിന് കാരണമാകുമെന്ന് അദ്ദേഹം പ്രവചനത്തിൽ അവകാശപ്പെട്ടു. ഇറാൻ- ഇസ്രായേൽ സംഘർഷം രൂക്ഷമാകുന്ന സാഹചര്യത്തിലാണ് കുശാൽ കുമാറിൻ്റെ പ്രവചനം ചർച്ചയാവുന്നത്.മൂന്നാം ലോക മഹായുദ്ധത്തിന്റെ ആരംഭ തീയതിയെക്കുറിച്ച് കുമാർ ഒന്നിലധികം പ്രവചനങ്ങൾ നടത്തിയിട്ടുണ്ട്, നേരത്തെ, നടത്തിയ മൂന്ന് പ്രവചനങ്ങളും പിഴച്ചിട്ടും വീണ്ടും വീണ്ടും പ്രവചനങ്ങൾക്ക് ഒന്നും യാതൊരു കുറവുമില്ല.

എന്നാൽ ഇതുവരെ അവയൊന്നും യാഥാർത്ഥ്യമായിട്ടില്ലെന്നതാണ് ആശ്വാസം നൽകുന്നത്. 2024 ജൂൺ 18 ന് യുദ്ധം ആരംഭിക്കുമെന്ന് അദ്ദേഹം നേരത്തെ പ്രഖ്യാപിച്ചിരുന്നുവെങ്കിലും ആ തീയതി ഒരു അപകടവുമില്ലാതെ കടന്നുപോയി. തുടർന്ന് അദ്ദേഹം ഒരു പുതിയ തീയതി പ്രഖ്യാപിച്ചു, മൂന്നാം ലോക മഹായുദ്ധം ജൂലൈ 26 അല്ലെങ്കിൽ ജൂലൈ 28 ന് ആരംഭിക്കുമെന്ന് പ്രവചിച്ചു,എന്നാൽ വീണ്ടും, അദ്ദേഹത്തിന്റെ പ്രവചനം തെറ്റായിരുന്നു. ഏറ്റവും ഒടുവിൽ , ഓഗസ്റ്റ് 4 നോ 5 നോ സംഭവിക്കുമെന്നാണ് പ്രഖ്യാപിച്ചതും കടന്നു പോയി. ഇന്ത്യന്‍ നോസ്ട്രഡാമസ് എന്നാണ് കുശാലിനെ ഇംഗ്ലീഷ് മാധ്യമമായ എന്‍.ഡി.ടി.വി. വിശേഷിപ്പിക്കുന്നത്. ഹരിയാണയിലെ പഞ്ചകുള സ്വദേശിയാണ് വേദിക് ജ്യോതിഷിയെന്ന് അവകാശപ്പെടുന്ന കുശാല്‍കുമാര്‍.

ഇസ്രയേല്‍- ഹമാസ് സംഘര്‍ഷം, റഷ്യ- യുക്രൈന്‍ യുദ്ധം എന്നിവ കുശാല്‍കുമാര്‍ പ്രവചിച്ചിരുന്നതായാണ് പറയപ്പെടുന്നത്. പല അന്തര്‍ദേശീയ ജ്യോതിഷ മാഗസിനുകളിലും കുശാലിന്റെ ലേഖനങ്ങള്‍ പ്രസിദ്ധീകരിച്ചിട്ടുണ്ട്. ധനകാര്യം, കാലാവസ്ഥ, വ്യാപാരം, സംഘര്‍ഷങ്ങള്‍, അന്തര്‍ദേശീയ സംഭവങ്ങള്‍ എന്നിവയിലാണ് തന്റെ വൈദഗ്ധ്യം എന്നാണ് ഇയാള്‍ അവകാശപ്പെടുന്നത്.കാലിഫോർണിയയിൽ നിന്നുള്ള 'ദി മൗണ്ടൻ ആസ്ട്രോളജി' (ടിഎംഎ), ന്യൂയോർക്കിൽ നിന്നുള്ള 'ജാതകം' തുടങ്ങിയ ലോകത്തെ പ്രമുഖ ജ്യോതിഷ മാസികകളിൽ അദ്ദേഹത്തിൻ്റെ ലേഖനങ്ങൾ പ്രസിദ്ധീകരിച്ചിട്ടുണ്ട്.

സാമ്പത്തികം, കാലാവസ്ഥ, ബിസിനസ്സ്, തന്ത്രങ്ങൾ, സംഘർഷങ്ങൾ, ആഗോളകാര്യങ്ങൾ തുടങ്ങിയ മേഖലകളിൽ വൈദഗ്ധ്യം നേടിയ കുമാർ വേദ ജ്യോതിഷത്തിൽ ഊന്നൽ നൽകുന്നു. വ്യക്തികൾക്ക് അവരുടെ ജനന സമയ വിശദാംശങ്ങളെ അടിസ്ഥാനമാക്കി വ്യക്തിഗതമാക്കിയ ജ്യോതിഷ മാർഗ്ഗനിർദ്ദേശവും അദ്ദേഹം നൽകുന്നു.2017 ഡിസംബറിൽ വിസ്ഡം മാഗസിനിൽ പ്രസിദ്ധീകരിച്ച "2018 ലെ യുണൈറ്റഡ് സ്റ്റേറ്റ്സിനുള്ളജ്യോതിഷ സാധ്യതയുള്ള അലേർട്ടുകൾ" എന്ന ലേഖനത്തിൽ നിന്ന് വ്യക്തമാകുന്നത്

പോലെ, കൃത്യമായ പ്രവചനങ്ങൾ നടത്തുന്നതിൽ അദ്ദേഹത്തിന് ഒരു ട്രാക്ക് റെക്കോർഡ് ഉണ്ട്. കുശാൽ കുമാർ വൈദിക കഥകളെക്കുറിച്ചും ഇന്ത്യൻ ഋഷിമാരുടെ ഗവേഷണങ്ങളെക്കുറിച്ചും ലോകമെമ്പാടുമുള്ള വിവിധ മതങ്ങളിൽ ആചരിക്കുന്ന ആത്മീയതയെക്കുറിച്ചും അഗാധവും വിലപ്പെട്ടതുമായ സന്ദേശങ്ങൾ കൈമാറുന്നു.ഏതായാലും അദ്ദേഹം മൂന്നാം ലോക മഹായുദ്ധത്തെ കുറിച്ച് നടത്തിയ പ്രവചനങ്ങൾ എല്ലാം തന്നെ പിഴച്ചിരിക്കുകയാണ്. ഇനി എന്താണ് പ്രവചിക്കാൻ പോകുന്നത് എന്നും ഇത്തവണ അത് ശരിയാക്കുമോ എന്ന് കണ്ടറിയണം.