ബംഗാൾ ഉൾക്കടലിൽ ഭൂചലനം.   റിക്ടർ സ്‌കെയിലിൽ 5.1 തീവ്രത രേഖപ്പെടുത്തിയ ഭൂചലനമാണ് ഉണ്ടായിരിക്കുന്നത്. ഇന്ന്   രാവിലെയാണ്  ബംഗാൾ ഉൾക്കടലിൽ ഭൂചലനം ഉണ്ടായതെന്ന് നാഷണൽ സെൻ്റർ ഫോർ സീസ്‌മോളജി അറിയിച്ചു.

ഇന്ന് രാവിലെ 09:12 ഓടെ ബംഗാൾ ഉൾക്കടലിൽ 10 കിലോമീറ്റർ ആഴത്തിലാണ് ഭൂചലനമുണ്ടായത്. അതിനിടെ, ഞായറാഴ്ച പുലർച്ചെ നാഗാലാൻഡിലെ നോക്ലക് പട്ടണത്തിൽ റിക്ടർ സ്‌കെയിലിൽ 3 തീവ്രത രേഖപ്പെടുത്തിയ ഭൂചലനം ഉണ്ടായി.

മാത്രമല്ല യുഎഇയിലും  നേരിയ ഭൂചലനമുണ്ടായി.  റിക്ടര്‍ സ്കെയിലില്‍ 2.3 തീവ്രത രേഖപ്പെടുത്തി. ഭൂചലനം യുഎഇയിലെ മസാഫിയിലാണ് ഉണ്ടായതെന്ന്  നാഷണല്‍ സീസ്മിക് നെറ്റ്‍വര്‍ക്ക് അറിയിച്ചു. ഇന്ന് രാവിലെ പ്രാദേശിക സമയം 7.53നാണ് മസാഫിയില്‍ ഭൂചലനം അനുഭവപ്പെട്ടത്.