ന്യൂ ഹോപ്പ് പാർട്ടിയുടെ നേതാവ് ഗിഡിയൻ സാർ  ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിൻ്റെ സർക്കാരിൽ വീണ്ടും ചേർന്നു.   പ്രതിരോധ മന്ത്രി യോവ് ഗാലൻ്റിനെ മാറ്റിസ്ഥാപിക്കാനുള്ള അവസരം  നിരസിച്ചിരുന്നു.   ഗിഡിയൻ  സാറും നെതന്യാഹുവും സംയുക്ത പത്രസമ്മേളനത്തിലാണ് ഈ തീരുമാനം അറിയിച്ചത്.സർക്കാരിൽ ചേർന്നതിന് സാറിനോട് നെതന്യാഹു നന്ദി അറിയിച്ചു.  "നമുക്കിടയിലുള്ള ഐക്യത്തിന് ഈ തീരുമാനം ഉപകാരപ്രദമാകുമെന്ന്  ഇസ്രായേൽ പ്രധാനമന്ത്രി അറിയിച്ചത്.

ഗിഡിയൻ സാർ  തന്റെ  അഭ്യർത്ഥനപ്രകാരം  സർക്കാരിൽ ചേരാൻ സമ്മതിച്ചതിന്റെ  പ്രശംസിക്കുന്നുവെന്നും ബെഞ്ചമിൻ നെതന്യാഹു പറഞ്ഞു.  ഈ നീക്കം   ഐക്യത്തിനും ശത്രുക്കളെ നേരിടുവാനും സഹായകമാകും എന്നും   നെതന്യാഹു വ്യക്തമാക്കി.  ഗിഡിയൻ സാറിന് വിശാലമായ കാഴ്ചപ്പാടും സങ്കീർണ്ണമായ പ്രശ്നങ്ങൾക്ക് ക്രിയാത്മകമായ പരിഹാരങ്ങൾ കൊണ്ടുവരാനുള്ള  കഴിവുമുണ്ടെന്നും  നെതന്യാഹു  പറഞ്ഞു.

രാജ്യത്തെയും അതിൻ്റെ സർക്കാരിനെയും നിലവിൽ   ശക്തിപ്പെടുത്തേണ്ടത് നിർണായകമാണെന്ന് ഗിഡിയൻ സാർ  പറഞ്ഞു. ഫേസ്ബുക്കിലൂടെ അദ്ദേഹം കുറിച്ചത് ഇപ്രകാരമാണ് ;  , “ ഇസ്രായേൽ ചരിത്രപരമായ ദിവസങ്ങളിലൂടെയാണ് കടന്നു പോകുന്നത് . നമ്മുടെ ശത്രുക്കൾക്കെതിരായ പ്രചാരണത്തിലെ നിർണായക ദിനങ്ങളാണിത്. ഈ സമയത്ത് ഇസ്രായേലിനെയും അതിൻ്റെ സർക്കാരിനെയും ഐക്യത്തെയും ശക്തിപ്പെടുത്തേണ്ടത് പ്രധാനമാണ്. ഇതാണ് ഇപ്പോൾ ചെയ്യേണ്ട രാജ്യസ്നേഹവും . ഞാൻ സർക്കാരിൽ ചേരുന്നതിനെക്കുറിച്ച്   പ്രഖ്യാപിച്ചു.