ഇസ്രയേലിന്റെ ആക്രമണത്തിന് ശക്തമായ തിരിച്ചടി നല്‍കുമെന്ന് ഇറാന്‍....പിന്നാലെ ബാലിസ്റ്റിക് ആക്രമണം തുടങ്ങി ഇറാന്‍.
ഇസ്രയേലിന്റെ ആക്രമണത്തിന് ശക്തമായ തിരിച്ചടി നല്‍കുമെന്ന് ഇറാന്‍ പരമോന്നത നേതാവ് ആയത്തുള്ള അലി ഖമേനി പ്രഖ്യാപിച്ചതിന് തൊട്ടുപിന്നാലെ ബാലിസ്റ്റിക് ആക്രമണം ആരംഭിച്ച് ഇറാന്‍. ഓപ്പറേഷന്‍ ട്രൂ പ്രോമിസ് -3 എന്ന് പേരിട്ടിരിക്കുന്ന ആക്രമണത്തില്‍ ഇസ്രയേലിലെ നിരവധി കേന്ദ്രങ്ങള്‍ ലക്ഷ്യമിട്ടതായും സൈനിക കേന്ദ്രങ്ങളും എയര്‍ ബേസുകളും ഇതില്‍ ഉള്‍പ്പെടുന്നുവെന്നും ഇറാന്‍ റെവല്യൂഷണറി ഗാര്‍ഡ് .
ഇസ്രയേലില്‍ ജറുസലേമിലും ടെല്‍ അവീവിലും സ്‌ഫോടനങ്ങള്‍ നടന്നതായി റിപ്പോര്‍ട്ടുകളുണ്ട്. ടെല്‍ അവീവില്‍ ഇറാന്‍ ആക്രമണത്തില്‍ തകര്‍ന്ന കെട്ടിടങ്ങളും ചിത്രങ്ങളും പുറത്തുവന്നിട്ടുണ്ട്.. അഞ്ച് പേര്‍ക്ക് വ്യോമാക്രമണത്തില്‍ പരിക്കേറ്റതായി ഇസ്രയേല്‍ ആംബുലന്‍സ് .
ടെല്‍ അവീവില്‍ ആക്രമണം നടന്ന ഏഴ് സ്ഥലങ്ങളില്‍ തെരച്ചില്‍ നടത്തിയെന്നാണ് ഇസ്രയേല്‍ ആംബുലന്‍സ് സര്‍വീസ് വക്താവ് വിശദീകരിച്ചത്. ടെല്‍ അവീവില്‍ കെട്ടിടങ്ങള്‍ തകന്നതും പുക ഉയരുന്നതും ജനങ്ങള്‍ തെരുവുകളില്‍ പരിഭ്രാന്തരായി നില്‍ക്കുന്നതിന്റെയും ചിത്രങ്ങള്‍ റോയിട്ടേഴ്‌സ് പുറത്തുവിട്ടു. ഇസ്രയേലില്‍ ബാലിസ്റ്റിക് മിസൈല്‍ ആക്രമണം നടത്തിയതായി ഇറാന്‍ സ്ഥിരീകരിക്കുകയും ചെയ്തു.
ടെല്‍ അവീവിലെ കെട്ടിടങ്ങള്‍ക്കിടയില്‍ നിന്ന് പുക ഉയരുന്നത് ആകാശ ദൃശ്യങ്ങളിലും കാണാനാകും. ഇതിനിടെ രണ്ട് ഇസ്രയേലി യുദ്ധവിമാനങ്ങള്‍ വെടിവെച്ചിട്ടതായി ഇറാനിലെ മാധ്യമങ്ങള്‍ റിപ്പോര്‍ട്ട് ചെയ്യുന്നു. നേരത്തെ നൂറോളം ഡ്രോണുകള്‍ ഇസ്രയേലിലേക്ക് ഇറാന്‍ തൊടുത്തുവിട്ടിരുന്നു. ഇറാന്‍ ഇസ്രയേലില്‍ നാശനഷ്ടങ്ങളുണ്ടാക്കുമെന്ന് ഇസ്രയേലി ആര്‍മി പ്രതികരിച്ചിരുന്നു. ടെല്‍ അവീവിലും ജറുസലേമിലും വ്യോമാക്രമണ മുന്നറിയിപ്പ് സൈറണുകള്‍ മുഴങ്ങുകയും ചെയ്തിരുന്നു.
"
https://www.facebook.com/Malayalivartha
