വടക്കുകിഴക്കൻ ബ്രസീലിൽ യാത്രാ ബസ് മണൽത്തിട്ടയിൽ ഇടിച്ച് മറിഞ്ഞ് അപകടം. 17 പേർ മരിച്ചതായി അധികൃതർ . ബസിൽ ഏകദേശം 30 യാത്രക്കാരുണ്ടായിരുന്നുവെന്ന് പൊലീസ്. പരിക്കേറ്റവരെ അടുത്തുള്ള ആശുപത്രികളിൽ പ്രവേശിപ്പിച്ചിട്ടുണ്ട്.

എത്ര പേർക്ക് പരിക്കേറ്റെന്ന കാര്യം വ്യക്തമല്ല. പെർനാംബുക്കോ സംസ്ഥാനത്തെ സലോയി നഗരത്തിലായിരുന്നു അപകടം നടന്നത്. അയൽ സംസ്ഥാനമായ ബഹിയയിലെ ബ്രൂമാഡോ നഗരത്തിലേക്ക് പോകുകയായിരുന്നു ബസ്.ബസ് നിയന്ത്രണം വിട്ട് എതിർ ലെയ്നിലേക്ക് കടന്നു റോഡരികിലെ പാറകളിൽ ഇടിച്ചുകയറിയതായി പൊലീസ് .

തുടർന്ന് ശരിയായ ലെയ്നിലേക്ക് തിരിച്ചുവന്നെങ്കിലും മണൽത്തിട്ടയിൽ ഇടിച്ചുകയറി വാഹനം മറിയുകയായിരുന്നു. അപകടകാരണം വ്യക്തമല്ല. ഡ്രൈവർക്ക് നിസാര പരിക്കുകളേ ഉള്ളൂവെന്നും മദ്യപിച്ചിട്ടില്ലെന്ന് പരിശോധനയിൽ തെളിഞ്ഞതായും പൊലീസ്.