ഹഫീസാബാദില്‍ 12 വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ 13 പേര്‍ മരിച്ചു. 72 പേര്‍ക്ക് പരിക്കേല്‍ക്കുകയും ചെയ്തു. ഇസ് ലാമാബാദ്-ലാഹോര്‍ ദേശീയപാതയിലായിരുന്നു സംഭവം. ഏഴു ട്രക്കും മൂന്നു വാനും രണ്ടും കാറും തമ്മിലാണ് ഒന്നിനുപിറകെയൊന്നായി കൂട്ടിയിടിച്ചത്. പുലര്‍ച്ചെ ശക്തമായ മൂടല്‍മഞ്ഞുമൂലമാണ് അപകടം ഉണ്ടായത്.
പരിക്കേറ്റവരില്‍ പലരുടേയും നില ഗുരുതരമാണ്. അതിനാല്‍ മരണ സംഖ്യ ഉയര്‍ന്നേക്കുമെന്ന് ആശങ്കയുണ്ട്. മരിച്ചവരില്‍ ആറു പേര്‍ നൗഷേരയില്‍നിന്നുള്ളവരാണ്.