ഉസാമ ബിന്‍ ലാദന്റെ മകന്‍ ഹമ്‌സ ബിന്‍ ലാദനെ ആഗോള ഭീകരനായി യു.എസ് പ്രഖ്യാപിച്ചു. ഈ വര്‍ഷം പകുതിയോടെ ഹമ്‌സയെ സംഘടനിയിലെ അംഗമായി ഔദോഗികമായി അല്‍ഖ്വയ്ദ നേതാവ് അയ്മാന്‍ അല്‍ സാവാഹിരി പ്രഖ്യപിക്കാനിരിക്കെയാണ് യു.എസിന്റെ പുതിയ നീക്കം.

ഹമ്‌സയുമായി ബന്ധപ്പെട്ട് രാജ്യത്ത് നടക്കുന്ന എല്ലാ തരത്തിലൂള്ള ഇടപാടുകളും തടയാനാണ് യു.എസ് ഹമ്‌സയെ ആഗോള ഭീകരനായി പ്രഖ്യാപിച്ചത്. കഴിഞ്ഞ ജൂലായില്‍ ഹമ്‌സ യു.എസിനെതിരെ പ്രതികാരം ചെയ്യാനൊരുങ്ങുന്നു എന്ന ശബ്ദ രേഖ യു.എസിനു ലഭിച്ചിരുന്നു. ഇതിനു പിന്നാലെയാണ് ഹമ്‌സ ബിന്‍ലാദനെ ആഗോള ഭീകരനായി അമേരിക്ക പ്രഖ്യാപിച്ചത്.