ജയിലിനുള്ളില് തടവുകാര് ഏറ്റുമുട്ടുന്നു; 10 പേര് കൊല്ലപ്പെട്ടു, മരണസംഖ്യ ഇനിയും ഉയരാന് സാധ്യത
ബ്രസീലിലെ അല്കാക്കസ് ജയിലില് തടവുകാര് തമ്മിലുണ്ടായ ഏറ്റുമുട്ടലില് പത്തു പേര് കൊല്ലപ്പെട്ടു. ബ്രസീലിന്റെ തെക്കുകിഴക്കന് നഗരമായ നതായിലുള്ള രാജ്യത്തെ തന്നെ ഏറ്റവും വലിയ ജയിലുകളില് ഒന്നിലാണ് തടവുകാര് ഏറ്റുമുട്ടുന്നത്. ജയിലിനുള്ളില് കലഹം തടങ്ങിയതിനു ശേഷം പോലീസ് ജയിലിലേയ്ക്ക് പ്രവേശിച്ചിട്ടില്ലെന്നാണ് വിവരം. അതുകൊണ്ടു തന്നെ മരണസംഖ്യ ഇനിയും ഉയര്ന്നേക്കുമെന്നാണ് റിപ്പോര്ട്ടുകള് പറയുന്നത്.
ശനിയാഴ്ച ഉച്ചയോടെയാണ് ജയില് വാസികള് തമ്മില് കലഹം ആരംഭിച്ചത്. ഭക്ഷണം കഴിക്കാനും പാകം ചെയ്യാനും ഉപയോഗിക്കുന്ന പാത്രങ്ങള് കൊണ്ട് തലയ്ക്കടിച്ചും ജയില് ഭിത്തിയില് തലയിടിപ്പിച്ചുമാണ് പലരെയും കൊലപ്പെടുത്തിയിരിക്കുന്നത്.
100 ഓളം പേര് കൊല്ലപ്പെട്ട ആമസോണസ് ജയില് ലഹളക്കു ശേഷം രാജ്യത്തെ ജയിലുകളുടെ സുരക്ഷ വര്ധിപ്പിക്കുമെന്നും കനത്ത സുരക്ഷയുള്ള അഞ്ചു ജയിലുകള്കൂടി നിര്മ്മിക്കുമെന്ന് പ്രസിഡന്റ് മൈക്കിള് ടെമര് പറഞ്ഞിരുന്നു. പല ജയിലുകളിലും ഉള്ക്കൊള്ളാനാവുന്നതിലും ഏറെ തടവുകാരാണ് ഇപ്പോഴുള്ളത്.
https://www.facebook.com/Malayalivartha
