ഒരേ സാധനം ഉപയോഗം പലവിധം. കോണ്‍ഡത്തിന് പുതിയ ഒരു ഉപയോഗം കണ്ട് പിടിച്ചിരിയ്ക്കുകയാണ് ക്യൂബക്കാര്‍.ലോകം മുഴുവനുള്ള ജനങ്ങള്‍ കോണ്ടം ലൈംഗിക സംരക്ഷണ മാര്‍ഗ്ഗമായി ഉപയോഗിയ്ക്കുമ്പോള്‍ ഇവര്‍ ഉപജീവന മാര്‍ഗ്ഗമായാണ് ഇത് ഉപയോഗിയ്ക്കുന്നത്.ക്യൂബയിലെ മീന്പിടുത്തക്കാരാണ് കോണ്ടത്തിന്റെ ഈ വ്യത്യസ്തമായ സാദ്ധ്യത കണ്ടെത്തിയത്.
സമുദ്രത്തിലെ വില പിടിച്ച ചില മത്സ്യങ്ങളെ പിടിയ്ക്കാന്‍ ബലൂണ്‍ ഫിഷിംഗ് എന്ന നൂതന മാര്‍ഗ്ഗം ഇവര്‍ കോണ്ടം ഉപയോഗിച്ച് വികസിപ്പിച്ചെടുത്തു.ബോട്ട് സ്വന്തമാക്കുന്ന കാര്യത്തില്‍ കര്‍ശനമായ നിയമങ്ങളാണ് ക്യൂബയില്‍ ഉള്ളത്.ബരാക്കുട,റെഡ് സ്‌നാപ്പാര്‍ തുടങ്ങിയ വിലപിടിച്ച മീനുകളെ പിടിയ്ക്കാന്‍ അതുകൊണ്ട് കോണ്ടം ഉപയോഗിയ്ക്കുകയാണ് ഇവര്‍.കരയില്‍ നിന്നുകൊണ്ട് തന്നെ ഇത് നിയന്ത്രിയ്ക്കാവുന്നതാണ് എന്നത് കൊണ്ട് വളരെ ഫലപ്രദമാണ് ഈ മാര്‍ഗ്ഗം എന്നാണു ഇവര്‍ പറയുന്നത്.
ഊതി വീര്‍പ്പിച്ച കോണ്ടത്തില്‍ ഇരയെ കൊളുത്തി കടലിലേയ്ക്ക് വിടുന്നു.ചൂണ്ടയുടെ നിയന്ത്രണം കരയില്‍ നില്‍ക്കുന്നവരുടെ കയ്യില്‍ ഉണ്ടാവും.വളരെ സിമ്പിള്‍ എന്ന് തോന്നാമെങ്കിലും നൂറു കണക്കിന് കുടുംബങ്ങളാണ് ഇവിടെ ഈ ബലൂണ്‍ ഫിഷിംഗ് കൊണ്ട് ഉപജീവനം നടത്തുന്നത്.ചാകര സമയങ്ങളില്‍ ക്യൂബയില്‍ കോണ്‍ദത്തിന്റെയും വന്‍ വില്‍പ്പനയാണ് നടക്കുന്നത്‌