യാത്രക്കാരന്റെ വസ്ത്രത്തിനുള്ളില് വിഷതേള്: വിമാനം മണിക്കൂറുകള് വൈകി
യാത്രക്കാരന്റെ വസ്ത്രത്തിനുള്ളില് തേള് കണ്ടെത്തിയതിനെ തുടര്ന്ന് യൂണൈറ്റഡ് എയര്ലൈന്സ് വിമാനം മൂന്നു മണിക്കൂര് വൈകി. വിഷത്തേളിനെ കണ്ടെന്ന പരാതിയെ തുടര്ന്ന് യാത്രക്കാരെ മുഴുവന് വിമാനത്തില് നിന്ന് ഒഴിപ്പിച്ചു. മൂന്നു മണിക്കൂറോളമാണ് യാത്ര വൈകിയത്.
ഹൂസ്റ്റണിലെ ജോര്ജ് ബുഷ് വിമാനത്താവളത്തില് നിന്ന് ഇക്വഡോറിലെ ക്വിറ്റോയിലേയ്ക്ക് പറക്കാനൊരുങ്ങിയ ഫൈ്ലറ്റ് 1035 ലാണ് തേളിനെ കണ്ടെത്തിയതെന്നാണ് സൂചന. അടുത്തിരിക്കുന്ന ആളുടെ വസ്ത്രത്തില് തേള് ഉണ്ടെന്ന് പറഞ്ഞ് ഒരാള് അലറി. വിമാനത്തില് നിന്നല്ല യാത്രക്കാരന്റെ വസ്ത്രത്തില് നിന്നാണ് തേള് വിമാനത്തില് കയറി പറ്റിയതെന്നാണ് അധികൃതരുടെ വാദം.
പിന്നാലെ യാത്രക്കാരെ ഒഴിപ്പിച്ചു മെഡിക്കല് സംഘം എത്തി പരിശോധന നടത്തി. അടുത്തിടെ വിവാദ നടപടികളിലൂടെ പേരെടുത്ത വിമാനക്കമ്പനിയാണ് യൂണൈറ്റഡ് എയര്ലൈന്സ്. നവദമ്പതികളെ വിമാനത്തില് നിന്ന് ചവിട്ടിപ്പുറത്താക്കിയും യാത്രക്കാരനെ വലിച്ചിഴച്ചും. പാരിസിലേയ്ക്ക് ടിക്കറ്റെടുത്ത യുവതിയെ സാന്ഫ്രാന്സിസ്കോയില് എത്തിച്ചും കമ്പനി വാര്ത്തകളില് ഇടംപിടിച്ചിരുന്നു.
https://www.facebook.com/Malayalivartha
