യേശുവിനെ പോലെ വെള്ളത്തിന് മുകളില്കൂടെ നടന്ന് അതിശയം കാണിക്കാന് ഒരുങ്ങി പാസ്റ്റര്... ഒടുവില് പണിപാളി... മുതലകള്ക്ക് വയറുനിറഞ്ഞു
പള്ളിയില് പ്രാര്ത്ഥനയ്ക്കായി വരുന്ന ആളുകളില്കൂടുതല് വിശ്വാസം ഉണ്ടാക്കാനായി ബൈബിളിലെ അതിശയം നേരില് കാണിക്കാന് ശ്രമിക്കുന്നതിനിടയില് പാസ്റ്ററിനു ദാരുണാന്ത്യം. സിംബാവേയിലെ ദി സൈന്റ്റ് ഓഫ് ദി ലാസ്റ്റ് ഡേയ്സ് ചര്ച്ചിലെ പാസ്റ്റര് ആയിരുന്ന ജോനാഥന് വെള്ളത്തിനു മുകളിലൂടെ പ്രാര്ത്ഥനകളോടെ നടക്കാന് ശ്രമിച്ചതും കുറച്ചു ദൂരത്തിനു ശേഷം മുങ്ങിപ്പോകുകയായിരുന്നു.
ഉടന് തന്നെ മൂന്നു മുതലകള് പാസ്റ്ററിനെ കൊന്നു തിന്നുകയും ചെയ്തു. പളളിയില് വന്ന വിശ്വാസികളെല്ലാം തന്നെ ഈ ദാരുണ ദൃശ്യത്തിന് സാക്ഷിയായിരുന്നു. ഈ അത്ഭുതം കാണിക്കാനായി പാസ്റ്റര് കഴിഞ്ഞ ഒരാഴ്ചയായി ഉപവാസത്തിലും പ്രാര്ത്ഥനകളിലും ആയിരുന്നു എന്നും വിശ്വാസികള് പറഞ്ഞു.
പാസ്റ്റര് കുറച്ചു അടികള് വെള്ളത്തിനു മുകളിലൂടെ നടന്നതായും, പിന്നീട് അദ്ദേഹത്തിന് നടക്കാന് പറ്റാതെ വന്നതായും വിശ്വാസികള് സാക്ഷ്യപ്പെടുത്തുന്നു. മുതലകള് അദ്ദേഹത്തെ നിമിഷങ്ങള്ക്കകം തിന്നുകയായിരുന്നു എന്നും അവര് പറയുന്നു. അവസാനം വെള്ളത്തിനു മുകളില് അദ്ദേഹത്തിന്റെ ചെരിപ്പുകളും അടിവസ്ത്രങ്ങളും പൊങ്ങിക്കിടക്കുന്നത് മാത്രമേ കാണാനുണ്ടായിരുന്നുള്ളൂ.
https://www.facebook.com/Malayalivartha
