ഫെയ്‌സ്ബുക്ക് ലൈവില്‍ യുവഗായകന്‍ ആത്മഹത്യ ചെയ്തു; മണ്ണെണ്ണയൊഴിച്ചു ആളിക്കത്തുന്ന തീയുമായി ഓടിക്കയറിയത് കാമുകി ജോലി ചെയ്യുന്ന ബാറിലേയ്ക്ക്...
പ്രണയ നൈരാശ്യത്തെ തുടര്‍ന്നു അമേരിക്കയിലെ ടെന്നിസി സ്വദേശിയും യുവഗായകനുമായ ജയേര്‍ഡ് മക് ലെമോര്‍ ഫെയ്‌സ്ബുക്ക് ലൈവിലെത്തി പരസ്യമായി ആത്മഹത്യ ചെയ്തു. മണ്ണെണ്ണയൊഴിച്ചു തീകൊളുത്തിയ ശേഷം ഇയാള്‍ ഫെയ്‌സ്ബുക്ക് ഓണ്‍ ചെയ്ത് ലൈവിലെത്തുകയായിരുന്നു. തീ ആളിപ്പടര്‍ത്തോടെ യുവാവ് തന്റെ കാമുകി ജോലി ചെയ്യുന്ന ബാറിനുള്ളിലേയ്ക്കു ഓടിക്കയറുകയും ചെയ്തു.
കഴിഞ്ഞ ദിവസമായിരുന്നു കേസിനാസ്പദമായ സംഭവം. ജയേര്‍ഡ് മക് ലെമോര്‍ എന്ന പ്രാദേശിക ഗായകനാണ് കാമുകിയുമായുണ്ടായ തര്‍ക്കത്തെ തുടര്‍ന്നു ആത്മഹത്യ ഫെയ്‌സ്ബുക്ക് ലൈവിലൂടെ പരസ്യമായി പ്രദര്‍ശിപ്പിച്ചത്. ലെമോറിന്റെ മുന്‍ കാമുകി അലൈസിയ മൂര്‍ നിലവില്‍ ലെമോറുമായി പിരിഞ്ഞു താമസിക്കുകയാണ്. ലഹരി ഉപയോഗിച്ചിരുന്ന ലെമോര്‍ ക്രൂരമായ പീഡനങ്ങള്‍ നടത്തിയിരുന്നതായി ആരോപിച്ചാണ് ഇവര്‍ തമ്മിലുള്ള ബന്ധം വേര്‍പിരിഞ്ഞതെന്നാണ് സൂചന.
എന്നാല്‍, വേര്‍പിരിഞ്ഞ ശേഷം യുവതിയുമായി വീണ്ടും അടുക്കുന്നതിനും ബന്ധം തുടരുന്നതിനും ലെമോര്‍ ശ്രമിച്ചു വരികയായിരുന്നു. ലെമോറുമായി പിരിഞ്ഞ ശേഷം അലീസിയ മൂര്‍, ഇവിടെ തന്നെയുള്ള ബാറില്‍ ജോലി നോല്‍ക്കുകയായിരുന്നു. ഇതിനിടെ ലെമോര്‍ പല തവണ ഇവിടെ എത്തി ഇവരെ ഭീഷണിപ്പെടുത്തുകയും ചെയ്തിരുന്നു. കഴിഞ്ഞ ദിവസം ഈ ബാറിനു മുന്നിലെത്തിയ ലെമോര്‍, മൊബൈല്‍ ഫോണ്‍ ചെയ്ത ശേഷം ഫെയ്‌സ്ബുക്കില്‍ ലൈവായി എത്തി. തുടര്‍ന്നു കയ്യിലുണ്ടായിരുന്ന മണ്ണെണ്ണ തലയിലൂടെ ഒഴിച്ച ശേഷം ലൈവായി ആത്മഹത്യ ചിത്രീകരിക്കുകയായിരുന്നു.
https://www.facebook.com/Malayalivartha
