സിംബാബ്‌വെയുടെ പ്രധാന പ്രതിപക്ഷ നേതാവും മുന്‍ പ്രധാനമന്ത്രിയുമായിരുന്ന മോര്‍ഗന്‍ സ്വാങ്ഗിരായി അന്തരിച്ചു. 65 വയസായിരുന്നു. കുച്ച് കാലമായി വന്‍കുടലില്‍ കാന്‍സര്‍ ബാധിതനായിരുന്നുവെന്ന് റിപ്പോര്‍ട്ടുകളുണ്ട്. ദക്ഷിണാഫ്രിക്കയില്‍ വച്ചായിരുന്നു അന്ത്യം.

സിംബാബ്‌വെയുടെ മുന്‍ പ്രസിഡന്റ് റോബര്‍ട്ട് മുഗാബെക്കെതിരായ സമരങ്ങളിലൂടെ അന്താരാഷ്ട്ര ശ്രദ്ധനേടിയ വ്യക്തിയാണ് മോര്‍ഗന്‍. മൂവ്മന്റെ് ഫോര്‍ ഡെമോക്രാറ്റിക് ചേഞ്ചിന്റെ സ്ഥാപക നേതാവാണ് മോര്‍ഗന്‍ സ്വാങ്ഗിരായി. 2000ലാണ് പാര്‍ട്ടി രൂപീകരിച്ചത്. 37 വര്‍ഷം നീണ്ട മുഗാബെ ഭരണത്തിനെതിരെ നിരന്തര സമരങ്ങള്‍ നടത്തി ഒടുവില്‍ രാജിവെപ്പിക്കുകയായിരുന്നു.

പാര്‍ട്ടിക്ക് തങ്ങളുടെ ഐക്കണും ജനാധിപത്യ പോരാളിയെയും നഷ്ടമായി എന്ന് മോര്‍ഗന്റെ മരണ വാര്‍ത്ത അറിയിച്ചുകൊണ്ട് പാര്‍ട്ടി വൈസ് പ്രസിഡന്റ് മുദ്‌സുരി ട്വിറ്ററില്‍ കുറിച്ചു.