മന്ത്രിമാർക്കും ജീവനക്കാർക്കും ലൈംഗിക വിലക്ക്; ഉപപ്രധാനമന്ത്രിയുടെ കള്ളിവെളിച്ചത്തായതോടെ ഓസ്ട്രേലിയന്‍ പ്രധാനമന്ത്രി രംഗത്ത്
മന്ത്രിമാരും ജീവനക്കാരും തമ്മിലുള്ള ലൈംഗിക ബന്ധങ്ങള്‍ കൂടിവരുന്ന സാഹചര്യത്തിൽ ഓസ്ട്രേലിയന്‍ പ്രധാനമന്ത്രി മാല്‍ക്കം ടേണ്‍ബുള്‍ ഇതിനെതിരെ വിലക്ക് പുറപ്പെടുവിച്ചു. ഉപപ്രധാനമന്ത്രിയും, പ്രസ് സെക്രട്ടറിയും തമ്മിലുള്ള ലൈംഗികബന്ധം പുറത്തറിഞ്ഞതോടെയാണ് ഈ വിലക്ക് ഏർപ്പെടുത്തിയിരിക്കുന്നത്.
കാത്തലിക് മൂല്യങ്ങള്‍ക്കായി വാദിക്കുകയും 24 വര്‍ഷക്കാലമായി വൈവാഹിക ജീവിതവും നയിച്ചുവന്ന ഓസ്ട്രേലിയന്‍ ഉപപ്രധാനമന്ത്രി ബര്‍ണാബി ജോയ്സിന് തന്റെ മുന്‍ ജീവനക്കാരിയുമായുള്ള ബന്ധത്തില്‍ ഏപ്രിലില്‍ കുഞ്ഞ് പിറക്കാനിരിക്കെയാണ് നടപടി ഇറക്കിയിരിക്കുന്നത്.
ലിബറല്‍ പാര്‍ട്ടിയും, ജോയ്സിന്റെ നാഷണല്‍ പാര്‍ട്ടിയും തമ്മിലുള്ള സഖ്യം പോലും ഇതുമൂലം ഉലച്ചില്‍ തട്ടിയതോടെയാണ് പ്രധാനമന്ത്രിയുടെ തീരുമാനം. ഒരു സീറ്റിന്റെ ഭൂരിപക്ഷത്തില്‍ നിലനില്‍ക്കുന്ന സര്‍ക്കാരായതിനാല്‍ ഉപപ്രധാനമന്ത്രിയെ പുറത്താക്കാനും പറ്റാത്ത സാഹചര്യമാണ്. ഇതോടെയാണ് മന്ത്രിമാരുടെ പെരുമാറ്റത്തിന് നിബന്ധനകള്‍ വേണമെന്ന് തീരുമാനിച്ചത്.
https://www.facebook.com/Malayalivartha
