എക്സറേ മെഷീനുള്ളിലൂടെ കടന്നുപോയ യുവതിയുടെ വീഡിയോ വൈറൽ; കാരണം കേട്ട പോലീസുകാർ മൂക്കത്തു വിരൽതൊട്ടു
ഹാന്ഡ്ബാഗ് കൈവിടാന് മടിച്ച് എക്സറേ മെഷീനുള്ളിലൂടെ കടന്നുപോയ യുവതിയുടെ വീഡിയോ വൈറലാകുന്നു. ബാഗ് പരിശോധിക്കുന്ന സ്കാനിങ് മെഷിനുള്ളില് തന്റെ ഹാന്ഡ്ബാഗ് കൈവിടാതെ കയറികൂടിയ യുവതിയുടെ ദൃശ്യങ്ങളാണ് സാമൂഹ്യമാധ്യമങ്ങളിലൂടെ പ്രചരിക്കുന്നത്.
ചൈനയിലാണ് ഈ അപൂര്വ്വ സംഭവം അരങ്ങേറിയത്. സൗത്തേണ് ചൈനയിലെ ഡോങ്ഗുവാന് റെയില്വെ സ്റ്റേഷനില് യാത്രക്കാരിയായി എത്തിയതായിരുന്നു യുവതിയെന്ന് ചൈനീസ് മാധ്യമങ്ങള് റിപ്പോര്ട്ട് ചെയ്യുന്നു.
ചൈനയില് ബസ് സ്റ്റേഷനുകളിലും റെയില്വെ സ്റ്റേഷനുകളിലുമെല്ലാം എക്സറേ പരിശോധന സാധാരണമാണ്. ഈ രീതിയില് യുവതിയോട് ബാഗ് എക്സറേ മെഷീനില് വെക്കാന് അധികൃതര് നിര്ദ്ദേശിച്ചെങ്കിലും അവര് തയ്യാറായില്ല. ബാഗില് വിലപിടിപ്പുള്ളതുണ്ടെന്നായിരുന്നു യുവതിയുടെ മറുപടി. എന്നാല് പരിശോധിക്കാതെ കടന്നുപോകാന് അധികൃതര് അനുവദിച്ചതുമില്ല.
ഇതോടെ യുവതി ഹാന്ഡ്ബാഗിനൊപ്പം എക്സറേ മെഷീനില് കയറിക്കൂടി. ബാഗുകള്ക്കായി മറുവശത്ത് കാത്തുനിന്നിരുന്ന യാത്രക്കാര് ബെല്റ്റിലൂടെ ഒഴുകിവരുന്ന സ്ത്രീയെ കണ്ട് ഞെട്ടുകതന്നെ ചെയ്തു. ഇവര് മെഷീനിലൂടെ യാത്രക്കാരുടെ സാധനങ്ങള്ക്കൊപ്പം സഞ്ചരിക്കുന്ന വീഡിയോ പിന്നീട് ലക്ഷക്കണക്കിന് ആളുകളാണ് കണ്ടത്.
മാരകമായ എക്സറേ രശ്മികള് ശരീരത്തിന് ദോഷമുണ്ടാക്കുന്നതാണ്. തന്റെ ആരോഗ്യത്തെക്കാള് പണത്തിന് മൂല്യം നല്കുന്നവരാണ് സ്ത്രീയെന്നാണ് ഇപ്പോള് ജനങ്ങൾ സോഷ്യല് മീഡിയയിലൂടെ സ്ത്രീയെ പരിഹസിക്കുന്നത്.
വീഡിയോ കാണുക...
https://www.facebook.com/Malayalivartha
