സ്രാവുകളെ കൊല്ലാന്‍ ഉപയോഗിക്കുന്ന 60 സെന്റീമിറ്റര്‍ നീളമുള്ള മൂര്‍ഛയേറിയ ഹാര്‍പൂണ്‍ തോക്കില്‍ നിന്ന് മുറിവേറ്റ ഇസ്രേയേലി പൗരൻ അത്ഭുതകരമായി രക്ഷപ്പെട്ടു. മുഖത്തിന്റെ ഒരു വശത്തുകൂടി തുളച്ചു ഹാർപൂൺ ഇയാളുടെ വായും നാവും ഛേദിച്ച് മറുവശത്തെത്തുകയായിരുന്നു.

ഒരു സെന്റിമീറ്റർ കൂടി തുളച്ചു കയറി ഹാർപൂൺ മുന്നോട്ട് പോയിരുന്നുവെങ്കിൽ മരണം ഉറപ്പായിരുന്നുവെന്നു ശസ്ത്രക്രിയയ്ക്ക് നേതൃത്വം നൽകിയ ഡോക്ടർ ഗസ്റ്റാവോ മൊയ്‌ഗുർ പറഞ്ഞു. തീർച്ചയായും ഇതൊരു അത്ഭുത സംഭവമാണെന്നും ഒഴിവായത് കണ്ണിനും തലച്ചോറിന് ഏൽക്കേണ്ടിയിരുന്ന വൻ ദുരന്തമാണെന്നും ഇദ്ദേഹം കൂട്ടിച്ചേർത്തു.

ഫെബ്രുവരി 6 നാണു ഇത്തരത്തിലൊരപൂർവ്വ സംഭവം അരങ്ങേറിയത്. 28 കാരനായ നേതേൽ കാറിലിരിക്കുമ്പോഴാണ് ഒരാള്‍ അടുത്ത് വന്ന് വെടിവച്ചതെന്നു പോലീസ് അറിയിക്കുന്നു. എന്നാൽ കൃത്യത്തെ കുറിച്ചുള്ള കൂടുതൽ വിവരങ്ങൾ പോലീസ് പുറത്തു വിട്ടിട്ടില്ല.