ഗസ്സ മേഖലയിലെ താപവൈദ്യുതി നിലയത്തിലേക്കുള്ള ഇന്ധനക്കുറവ് മൂലം ഏക താപവൈദ്യുതി നിലയവും അടച്ചുപൂട്ടിയാതായി റിപ്പോർട്ടുകൾ. ഇതോടെ പലസ്തീൻ ജനജീവിതം സ്തംഭിച്ചിരിക്കുകയാണ്.

വൈദ്യുത ഉപഭോഗത്തിനായുള്ള നല്ലൊരു അളവ് വൈദ്യുതിയും ഉത്പാദിപ്പിച്ചിരുന്നത് ഈ നിലയത്തില്‍ നിന്നായിരുന്നു. അതിനാല്‍ തന്നെ നിലയത്തിന്റെ അടച്ചു പൂട്ടല്‍ രൂക്ഷമായ വൈദ്യുതി പ്രതിസന്ധിക്കാണ് വഴി വയ്ക്കുന്നത്.

ഇനി മുതൽ ഗസയിലെ 20 ലക്ഷത്തോളം വരുന്ന നിവാസികള്‍ക്ക് ദിവസേന നാല് മണിക്കൂര്‍ മാത്രമാണ് വൈദ്യുതി ലഭ്യമാകുക. 120 മെഗാ വാട്ട് വൈദ്യുതി ഇസ്രായേലിന്‍ നിന്നും ഇറക്കുമതി ചെയ്യുന്നുണ്ടെങ്കിലും പ്രതിസന്ധിക്ക് പരിഹാരമാകുന്നില്ല. വൈദ്യുതി പ്രതിസന്ധി മൂലം കഴിഞ്ഞയാഴ്ച മൂന്ന് ആശുപത്രികളും 16 മെഡിക്കല്‍ സെന്ററുകളും പ്രവര്‍ത്തനം അവസാനിപ്പിച്ചിരുന്നു.