പ്രായപൂര്‍ത്തിയാകാത്ത മകളെ ബലാത്സംഗം ചെയ്യാന്‍ കാമുകന് അമ്മയുടെ പിന്തുണ. മകളുടെ ദേഹത്ത് പ്രേതബാധയുണ്ടെന്ന് അമ്മയെ പറഞ്ഞു വിശ്വസിപ്പിച്ചായിരുന്നു യുവാവ് പെൺകുട്ടിയെ ലൈംഗികമായി പീഡിപ്പിച്ചിരുന്നത്. മകളുടെ പ്രേതബാധ ഇതിലൂടെ ഒഴിയുമെന്നു ഇയാൾ യുവതിയെ വിശ്വസിപ്പിച്ചിരുന്നു.

സംഭവത്തില്‍ കുട്ടിയുടെ അമ്മ സെലിന ബീട്രിസ് സോസടയെ പോലീസ് അറസ്റ്റ് ചെയ്തു. ഇവരുടെ കാമുകനായ സെര്‍ജിയോ എഡുവാര്‍ഡോ ഗിമെനെസ് ഒളിവിലാണ് ഇയാള്‍ക്കായുള്ള തിരച്ചില്‍ തുടരുകയാണ്. ഇയാള്‍ ഉടന്‍ തന്നെ പിടിയിലാകുമെന്നാണ് പോലീസ് പറയുന്നത്.

പീഡനത്തില്‍ ഗര്‍ഭിണിയായ പെണ്‍കുട്ടിയെ അബോര്‍ഷനാക്കി പരാഗ്വേയിലേക്ക് അയച്ചു. കുട്ടിക്ക് എട്ട് വയസുള്ളപ്പോള്‍ മുതല്‍ സെലിനയുടെ അറിവോടെ സെര്‍ജിയോ കുട്ടിയെ പീഡിപ്പിച്ചിരുന്നു. ഇപ്പോള്‍ 17 വയസ്സായ കുട്ടി ഇതുവരെയും പീഡനം നേരിടുകയായിരുന്നു.

സെര്‍ജിയോ മദ്യത്തിന് അടിമയാണ്. അയാളെ തനിക്ക് ഒരിക്കലും ഇഷ്ടമല്ല. തന്റെ ശരീരത്തില്‍ പ്രേതബാധ ഉണ്ടെന്ന് ഇയാള്‍ അമ്മയെ വിശ്വസിപ്പിക്കുകയും തന്നെ നാളുകളായി പീഡിപ്പിക്കുകയുമായിരുന്നെന്ന് പെണ്‍കുട്ടി പറഞ്ഞു.

താന്‍ ഉറങ്ങാനായി പോകുമ്പോൾ ഉറങ്ങരുത് നിനക്ക് എന്തൊക്കെ ചെയ്യാനുണ്ടെന്ന് അറിയാമല്ലോ എന്ന് ഇയാള്‍ ചോദിക്കും. ഇയാള്‍ രാത്രി തന്നെ ലൈംഗികമായി പീഡിപ്പിക്കുകയാണ്. ചിലപ്പോഴൊക്കെ ഗര്‍ഭ നിരോധന ഉറ ഉപയോഗിച്ചും ചിലപ്പോഴൊക്കെ ഇതില്ലാതെയുമാണ് പീഡനം.